تحریک انصاف نے ملک بھر میں الیکشن کمیشن دفاتر کے باہر احتجاج کا اعلان کر دیا۔

پی ٹی آئی احتجاج کے اعلان پر آئی جی اسلام آباد الیکشن کمیشن کےمرکزی سیکرٹریٹ پہنچ گئے۔ آئی جی نے سیکیورٹی پلان پرالیکشن کمیشن حکام سےملاقات کی۔

حکام نے کہا کہ کل کےاحتجاج کےپیش نظرفول پروف انتظام کیےجائیں جس پر آئی جی یقین دہانی کروائی کہ پی ٹی آئی ریلیوں کو ریڈزون میں داخلےکی اجازت نہیں دیں گے صرف پی ٹی آئی اراکین اسمبلی ریڈزون میں داخل ہوسکیں گے۔

پولیس رپورٹ کے مطابق ممکنہ طور پر پی ٹی آئی کا احتجاج اشتعال انگیز نہیں ہو گا تاہم احتجاج کےپیش نظرریڈزون میں انٹری مارگلہ روڈ سے ہو گی۔

ممکنہ احتجاج: الیکشن کمیشن نے فول پروف سیکیورٹی مانگ لی

ریڈزون کو کنٹینرز لگا کر سیل کیا جا رہا ہے مارگلہ روڈ،سریناچوک،ایکسپریس چوک پرپولیس کےایس پیزتعینات ہوں گے۔ پولیس کے1500، رینجرز کے 300 اہلکار تعینات ہوں گے۔

ریڈزون کے اردگرد ناکوں پر سی ٹی ڈی کےجوان تعینات ہوں گے قیدیوں کی وین بھی طلب،خاردارتاریں لگانے کا عمل شروع ہو گیا ہے۔

اسلام آباد: وزارت داخلہ نے مزید 23 افراد کے نام ایگزٹ کنٹرول لسٹ (ای سی ایل) سے نکال دیے۔

اے آر وائی نیوز کے مطابق وزارت داخلہ نے ای سی ایل سے مزید 23 افراد کے نام نکال دیے جبکہ محسن داوڑ کو ون ٹائم اجازت نامہ دینے کا فیصلہ کیا گیا ہے۔

ذرائع وزارت داخلہ کے مطابق اسپیکر قومی اسمبلی راجہ پرویز اشرف کا نام بھی ای سی ایل سے نکال دیا گیا ہے، سابق وفاقی سیکرٹری شاہد رفیع، طاہر بشارت چیمہ کا نام بھی نکال دیا گیا۔

ذرائع کا بتانا ہے کہ ایم این اے محسن داوڑ کو ون ٹائم اجازت نامہ دینے کے لیے سمری تیار کرلی گئی ہے، سمری وفاقی کابینہ کو بھجوائی جائے گی منظوری کے بعد اجازت نامہ جاری ہوگا۔

واضح رہے کہ گزشتہ دنوں حکومت نے خروج کنٹرول فہرست (ای سی ایل) سے 100 سے زائد افراد کے نام نکال دیے تھے۔

مزید پڑھیں: وزیر اعظم سمیت 100 سے زائد نام ای سی ایل سے خارج

ای سی ایل سے وزیر اعظم شہباز شریف، وزیر داخلہ رانا ثنا اللہ، شاہد خاقان عباسی، وزیر ریلوے سعد رفق اور وزیر دفاع خواجہ آصف کے نام بھی نکال دیے گئے تھے۔

اس کے علاوہ پیپلز پارٹی کے شریک چیئرمین و سابق صدر مملکت آصف علی زرداری اور ان کی ہمشیرہ فریال تالپور سمیت کئی اہم شخصیات کے نام نکال دیے گئے تھے۔

ان افراد کے نام نیب اور ایف آئی اے کی سفارش پر ای سی ایل میں ڈالے گئے تھے۔

ذرائع کا کہنا ہے کہ عدالت اور سکیورٹی ادارے کی سفارش پر ڈالے گئے نام موجود رہیں گے، 3000 کے قریب نام ای سی ایل سے نکالے جانے ہیں۔

ذرائع کے مطابق وزارت داخلہ میں لسٹوں کی چھانٹی جاری ہے۔ 4 ماہ تک رہنے والے تمام نام ای سی ایل سے نکال دیے جائیں گے۔

کراچی سے لاپتہ ہونے والی لڑکی دعازہرہ کے والد نے بچی کی بازیابی کی خبروں کی تردید کر دی۔

میڈیا سے گفتگو کرتے ہوئے دعازہرہ کے والد نے کہا کہ مجھے ایڈیشنل آئی جی کراچی کی کال آئی ہے لاہور پولیس بھی نہیں کہہ رہی کہ بچی انکے پاس ہے۔

انہوں نے کہا کہ نکاح نامےمیں جعلی معلومات درج ہیں سی سی ٹی وی بھی جعلی آئی تھی ،تمام خبریں بھی جعلی ہیں، سندھ اور پنجاب پولیس رابطےمیں ہے مگر کلیم نہیں کر رہے۔

دعازہرہ کیس میں نیا موڑ، اہم انکشافات

والد کا کہنا تھا کہ شہلا رضا بھی کہہ رہی کہ یہ خبر کنفرم نہیں مجھے خود اس معاملے کے بارے میں میڈیا سے پتہ چلا، مجھے میری بیٹی بس واپس چاہیئے۔

کراچی کے علاقے الفلاح سے لاپتہ ہونے والی دعا زہرہ نے لاہور کے رہائشی سے نکاح کرلیا، کراچی پولیس حکام کو دعا زہرہ سے متعلق آگاہ کردیا گیا ہے۔

لاہور: وفاقی وزیر رانا تنویر کا کہنا ہے کہ عمران خان نے اداروں سے ایسا رویہ رکھا کہ ان کو ہم بہتر لگنے لگے۔

اے آر وائی نیوز سے خصوصی گفتگو کرتے ہوئے وفاقی وزیر اور چیئرمین پی اے سی رانا تنویر نے کہا کہ عمران خان کی مہربانی سے اسٹیبلشمنٹ سے تعلقات بہترہوئے، انہوں نے اداروں سے ایسا رویہ رکھا کہ ان کو ہم بہترلگنے لگے۔

انہوں نے کہا کہ فارن فنڈنگ کیس پر ان کے دل میں چور ہےاوریہ جانتے ہیں کہ بچ نہیں سکتے، عمران خان کا رویہ ایسا تھا، کسی کو ساتھ نہیں رکھ سکتا، سب ناراض ہوئے۔

رانا تنویر نے کہا کہ ہمارے معاملات ڈان لیکس اور مشرف کیس سے خراب ہوئے، میاں صاحب نے ہمیشہ اداروں کا احترام کیا، چلیں اچھا تجربہ ہوگیا۔

وفاقی وزیر نے کہا کہ کبھی اداروں سے ٹکراؤ کی بات نہیں کی اور نہ کرنا چاہتے ہیں، شہبازشریف کا جوطریقہ کاراور مزاج ہے اس سے تعلقات خراب نہیں ہوں گے۔

انہوں نے کہا کہ زرداری صاحب کہتے تھے عمران خان اپنے بوجھ تلے دب جائے گا ایسا ہی ہوا، پیپلزپارٹی سمجھتی ہے پنجاب میں سیٹ ایڈجسٹمنٹ ہو اور ہم سندھ میں کریں۔

رانا تنویر نے کہا کہ چیئرمین سینیٹ کا معاملہ عدالت میں ہے گیلانی صاحب فیصلہ عدالت سے آئے گا۔

انہوں نے یوسف رضا گیلانی کے سینیٹ میں اپوزیشن لیڈر پر طنز کیا کہ پہلے بھی گیلانی صاحب کو ووٹ دیا جب دھاندلی کرکے اپوزیشن لیڈر بنے۔

رانا تنویر نے کہا کہ 2 سال سے چوہدری نثار سے ملاقات نہیں ہوئی، اب واپسی مشکل ہے، لیکن وہ ہاتھ بڑھائیں ہم میاں صاحب کو منالیں گے۔

کراچی کے علاقے الفلاح سے لاپتہ ہونے والی دعا زہرہ نے لاہور کے رہائشی سے نکاح کرلیا، کراچی پولیس حکام کو دعا زہرہ سے متعلق آگاہ کردیا گیا ہے۔

تفصیلات کے مطابق دعازہرہ کے نکاح نامہ پر لڑکےکا لکھا گیا ایڈریس پرانا نکلا ہے گھر پر ڈاکٹرعبدالحفیظ نامی شخص کی ڈسپنسری موجود ہے۔

نکاح نامہ پرلکھاایڈریس دیکھ کرپولیس بھی موقع پرپہنچ گئی۔ دعازہرہ کی بازیابی کے بعد اصل حقائق سامنےآئیں گے۔ دعازہرہ کےنکاح نامےکےمطابق شہری ظہیر احمدسے شادی ہوئی۔

ظہیراحمد کے نکاح نامے پر جو گھر کا پتہ ہے وہ پرانا نکلا ہے ظہیراحمدکی فیملی حویلی لکھاکی ہے،3سال سےعلاقہ چھوڑچکی ہے۔

دعازہرہ کے والدین کےمطابق ان کی بیٹی کی عمر14سال ہے جب کہ نکاح نامےپر دعازہرہ کی عمر18سال لکھی گئی ہے۔

دعازہرہ کا نکاح شیراکوٹ کے علاقےمیں ہوا، نکاح مزنگ کےرہائشی حافظ غلام مصطفی نےکرایا۔ پولیس کونکاح نامہ کراچی پولیس سےموصول ہوا۔