ہوم بلاگ صفحہ 9277

پی آئی اے کا افغان فضائی آپریشن معطل کرنے پر طالبان کا ردعمل آگیا

0
پی آئی اے تنظیم نو

کراچی: قومی ایئرلائن(پی آئی اے) کی جانب سے افغان فضائی آپریشن کی معطلی کے بعد افغانستان کے اعلیٰ حکام نے فلائٹس بحال کرنے کی استدعا کردی۔

ذرایع کے مطابق افغانستان کے اعلیٰ حکام نے پاکستان انٹرنیشنل ایئرلائن کی انتظامیہ سے رابطہ کرکے تحفظات دور کرنے کا وعدہ کیا اور درخواست کی ہے کہ فلائٹ آپریشن دوبارہ بحال کی جائے۔

افغان حکام نے اعتراف کیا کہ پی آئی اے نے مشکل حالات میں افغانستان کا فضائی آپریشن جاری رکھا۔

خیال رہے کہ قومی ایئرلائن نے 50فیصد کم مسافروں کے ساتھ فلائٹ آپریشن چلانے اور کرائے میں کمی کے مطالبے کے بعد افغانستان کا فضائی آپریشن معطل کر رکھا ہے۔

قومی ایئرلائن نے کس ملک کیلئے فلائٹ آپریشن معطل کردیا؟

گزشتہ روز ترجمان پی آئی اے کا کہنا تھا کہ ہماری واحد ایئرلائن رہی جس نے افغانستان میں مشکل حالات کے باوجود آپریشن جاری رکھا تاہم اب آئندہ احکامات تک فلائٹ آپریشن معطل رہے گا۔

قندھار میں نمازِ جمعہ کے دوران امام بارگاہ میں خودکش دھماکا ،32 افراد جاں بحق

0

قندھار : افغانستان کے شہر قندھار میں نماز جمعہ کے دوران امام بارگاہ میں خود کش دھماکے کے نتیجے میں 32 افراد جاں بحق اور متعدد زخمی ہوگئے۔

تفصیلات کے مطابق افغانستان کا شہر قندھار ایک بار پھر دھماکے سے گونج اٹھا، جمعے کی نماز کے دوران امام بارگاہ میں دھماکا ہوا، جس کےبعد بھگدڑ مچ گئی۔

دھماکے کے نتیجے میں 32 افراد جاں بحق اور متعدد افراد زخمی ہوئے، زخمیوں کو فوری اسپتال منتقل کردیا گیا اور ریسکیو کا کام جاری ہے، افغان میڈیا کا کہنا ہے کہ دھماکا خودکش تھا۔

جاں بحق افراد کی تعداد میں اضافے کا خدشہ ہے، عینی شاہدین کا کہنا ہے کہ یکے بعد دیگرے تین دھماکے ہوئے۔

یاد رہے گذشتہ جمعے کو بھی افغانستان کے شہرقندوز میں نمازجمعہ کے دوران مسجد کے اندر دھماکا ہوا تھا ، جس کے نتیجے میں 50 افراد جاں بحق اور 100 افراد زخمی ہوگئے تھے، دھماکے کی ذمہ داری داعش نے قبول کی تھی۔

افغان طالبان کے ترجمان ذبیح اللہ مجاہد نے دھماکے کی تصدیق کرتے ہوئے کہا تھا کہ واقعہ میں متعدد افرادجاں بحق و زخمی ہوئے،طالبا ن کی اسپیشل فورس نے حملے کی تحقیقات شروع کردی ہے۔

نسلہ ٹاور کے مکین عمارت 15 روز میں خالی کردیں ، حتمی نوٹس جاری

0

کراچی : اسسٹنٹ کمشنر فیروزآباد نے نسلہ ٹاور کے رہائشیوں کو بلڈنگ 15 روز میں خالی کرنے کا نوٹس جاری کردیا ، بصورت دیگر 27 اکتوبر کو قانونی کارروائی عمل میں لائی جائے گی۔

تفصیلات کے مطابق او سی کراچی میں قائم نسلہ ٹاور کو خالی کرانے کے لیے حتمی نوٹس جاری کردیا گیا ، عدالتی احکامات پر عمل درآمد کرانے کے لیے رہائشیوں کو پندرہ دن کے اندر سامان نکال کر جگہ خالی کرنے کی ہدایت کی گئی ہے ، بصورت دیگر 27 اکتوبر کو قانونی کارروائی عمل میں لائی جائے گی۔

وی او اسسٹنٹ کمشنر فیروز آباد نے رہائشیوں کو فائنل نوٹسسز کے ساتھ نوٹس کی کاپی اخبارات میں بھی شائع کرادی ہے ، نوٹس میں کہا گیا ہے کہ سپریم کورٹ نے رہائشیوں کی ریویو پٹیشنز بھی خارج کردی ہیں ، کمشنر کراچی کو اب اس جگہ کا قبضہ حاصل کرنا ہے۔

نوٹس میں کہا ہے کہ کمشنرکراچی عدالت عظمی کے احکامات کے پابند ہیں ، اگر پندرہ دن میں جگہ خالی نہ کی گئی تو قانون حرکت میں ائے گا۔

اسسٹنٹ کمشنر کاکہنا ہے کہ اس سے قبل بھی انتظامیہ کی جانب سے رہائشیوں کو جولائی اور پھر ستمبر میں نسلہ ٹائور خالی کرنے کے نوٹسسز بھیجے جاچکے ہیں ، لیکن عمل نہیں ہوا۔

یاد رہے سپریم کورٹ نے نسلہ ٹاور کے بلڈر اور مکینوں کی نظر ثانی درخواست مسترد کرتے ہوئے کمشنر کراچی کو نسلا ٹاور منہدم کرکے رپورٹ پیش کرنے کا حکم دیا تھا۔

ایک ماہ میں تیسری بار بجلی کی قیمت میں اضافہ

0

اسلام آباد: گزشتہ ہفتے بجلی کی قیمت میں 1 روپے 95 پیسے اضافے کے بعد اس ہفتے پھر بجلی کی قیمت میں اضافہ کیا گیا ہے، 1 روپے 68 پیسے فی یونٹ اضافہ سہ ماہی ٹیرف ایڈجسٹمنٹ کی مد میں کیا گیا ہے۔

تفصیلات کے مطابق حکومت نے بجلی کی قیمتوں میں 1 روپے 68 پیسے فی یونٹ مہنگی کردی، وفاقی کابینہ نے بجلی مہنگی کرنے کی منظوری دے دی۔

ذرائع کا کہنا ہے کہ بجلی کی قیمت میں اضافہ سہ ماہی ٹیرف ایڈجسٹمنٹ کی مد میں کیا گیا ہے، بجلی کی قیمتوں میں اضافے کی سمری وزارت توانائی کی جانب سے بھجوائی گئی تھی۔

یہ اس ماہ بجلی کی قیمت میں کیا جانے والا تیسرا اضافہ ہے۔

کابینہ نے سرکولیشن سمری کے ذریعے بجلی مہنگی کرنے کی منظوری دی، نیا سہ ماہی ٹیرف ایڈجسٹمنٹ میں اضافہ یکم اکتوبر سے لاگو ہوگا۔

یاد رہے کہ بجلی کی قیمت میں صرف چند روز قبل 8 اکتوبر کو ہی اضافہ کیا گیا تھا، 1 روپے 95 پیسے اضافہ نیپرا کی جانب سے تجویز کیا گیا تھا۔ منظوری اگست کے فیول چارجز ایڈجسٹمنٹ کی مد میں دی گئی تھی۔

گریٹر اقبال پارک کیس : عائشہ اکرم کا ساتھی ریمبو جوڈیشل ریمانڈ پر جیل منتقل

0

لاہور: مقامی عدالت نے ٹک ٹاکر عاٸشہ اکرم بدتمیزی کیس میں ریمبو سمیت گیارہ ملزمان کو چودہ روزہ جوڈیشل ریمانڈ پر جیل بھجوا دیا۔

تفصیلات کے مطابق لاہور کی ضلع کچہری کے جوڈیشل مجسٹریٹ حافظ خالد محمود نے ریمبو سمیت گیارہ ملزمان کے جسمانی ریمانڈ کی سماعت کی، ٹک ٹاکر عائشہ اکرم کے ساتھی ریمبو سمیت دیگر ملزمان کو عدالت میں پیش کیا گیا۔

دوران سماعت پولیس نے مزید جسمانی ریمانڈ کی استدعا کرتے ہوئے بتایا کہ ملزمان سے مزید تفتیش کرنی ہے، ملزمان کا سات روز کا جسمانی ریمانڈ دیا جاٸے جبکہ ملزمان کے مزید دو ساتھیوں کی گرفتاری ہونی ہے۔

ملزمان کے وکیل نے جسمانی ریمانڈ کی مخالفت کرتے ہوئے کہا کہ ملزمان سے کسی قسم کی ریکوری نہیں ہونی، ٹک ٹاکر خاتون نے پہلے بیان دیا کہ یہ لوگ میرے محافظ ہیں، بعد میں اس نے ملزمان کو بیلک میل کرنے کا بیان دیا۔

عدالت نے مزید جسمانی ریمانڈ کی استدعا مسترد کرتے ہوئے ملزمان کو چودہ روزہ جوڈیشل ریمانڈ پر جیل بھجوانے کا حکم دے دیا۔

سعودی عرب: ملازمین کے ‘ہروب’ سے متعلق اہم خبر

0

ریاض: سعودی محکمہ پاسپورٹ وامیگریشن(جوازات) نے گھریلو ورکرز کے ہروب کے حوالے سے اہم وضاحت جاری کی ہے۔

عرب میڈیا کی رپورٹ کے مطابق جوازات کے ٹوئٹر ہینڈل پر ایک شہری نے سوال کیا کہ گھریلو کارکن کا ہروب لگایا مگر 15 دن کے اندر ابشر کے ذریعے کینسلیشن کی کارروائی کی تاحال کوئی جواب نہیں ملا کیا کریں؟۔

سعودی محکمہ پاسپورٹ نے ردعمل دیا کہ ہروب کینسل کرانے کےلیے جوازات کے ابشر پورٹل پر خصوصی سہولت فراہم کی گئی ہے جو ’تواصل ‘ کے ذریعے حاصل کی جاسکتی ہے۔

جوازات کی تواصل سروس کے ذریعے لوگوں کو گھر بیٹھے جوازات کی وہ خدمات فراہم کی جاسکیں جو خود کار طریقے سے انجام نہیں دی جاسکتیں۔

تواصل کے تحت صارف اپنے ساتھ پیش آنے والی دشواریوں کو بیان کرکے مسئلے کو حل کرسکتا ہے اس کے لیے جوازات کے دفترجانے کی ضرورت نہیں ہوتی۔

سعودی حکومت کی سفری پابندی، غیرملکی کیلئے نئی مشکلات

قبل ازیں محکمہ پاسپورٹ وامیگریشن(جوازات) سے مقامی شہری نے اپنے تارک وطن ملازم کی پریشانی بتائی کہ کارکن کا خروج نہائی لگایا تھا مگر ان کے ملکی حالات کی وجہ سے سفری پابندی کے باعث وہ جا نہیں سکے اور فائنل ایگزٹ کی مدت ختم ہو گئی ہے کیا کیا جائے؟

جوازات نے وضاحت پیش کی کہ خروج نہائی(فائنل ایگزٹ) کی انتہائی مدت 60 دن ہوتی ہے اس دوران اگر سفر نہ کرنا ہو تو مدت ختم ہونے سے قبل اسے منسوخ کرانا ضروری ہے بصورت دیگر 1000 ریال جرمانہ عائد کیاجاتا ہے۔

آنکھوں کی حفاظت کے چند آسان اور مؤثر طریقے

0
آنکھیں

ہماری آنکھیں اللہ کی دی ہوئی نعمتوں میں سے بہت بڑی نعمت ہیں، اس لیے ان کی مناسب دیکھ بھال بینائی درست رکھنے کے ساتھ ساتھ اعصابی راحت بھی فراہم کرتی ہے۔

اس حوالے سے اے آر وائی نیوز کے پروگرام "باخبر سویرا” میں گفتگو کرتے ہوئے کنسلٹنٹ پی او بی آئی ڈاکٹر محمد معیزالدین نے آنکھوں کو بیماریوں سے محفوظ رکھنے کیلیے اہم مشورے دیئے۔

انہوں نے بتایا کہ کمپیوٹر، ٹیبلٹ، موبائل فون یا ٹی وی کی اسکرین کے زیادہ قریب ہونا آنکھوں کو مشقت میں ڈالنا ہے جس کے بعد تکلیف یا شکایات کا سلسلہ شروع ہوجاتا ہے۔

اس سے بچنے کیلئے یہ ورزش بہت ضروری ہے کہ کسی بھی چیز کو جو بیس فٹ دور ہو اسے بیس سیکنڈ کے لیے ہر بیس منٹ میں دیکھیں اور ساتھ ساتھ پلک جھپکاتے رہیں ساتھ اسکرین پر پروٹیکٹرز لگائیں۔

اپنی آنکھوں کو ہر 20 منٹ بعد آرام دیں، کمپیوٹر اسکرین سے نظریں 20سیکنڈ کے لیے ہٹالیں اور کم از کم ہر دوگھنٹے بعد آنکھوں کی حفاظت کے لیے 15 منٹ کا وقفہ لیں۔

انہوں نے بتایا کہ لکھنے اور پڑھنے والے افراد جیسے کالم نویس، رپورٹرز، کمپیوٹر پر کام کرنے والے اور طالب علم وغیرہ کوآنکھوں کی دیکھ بھال کی زیادہ ضرورت ہوتی ہے۔

یہ نہایت ضروری ہے کہ آنکھوں کے ڈاکٹر سے سالانہ معائنہ کروایا جائے بالخصوص چالیس سال سے بڑی عمر  کے افراد سال میں ایک مرتبہ ڈاکٹر کو آنکھوں کا معائنہ ضرور کروائیں تاکہ ڈاکٹر آنکھوں کے دیکھنے کی طاقت اور یہ کنفرم کرے کہ انہیں گلوکوما یا ذیابیطس ریٹناپیتھی اور دیگر امراض لاحق نہیں۔

ڈاکٹر محمد معیزالدین کا کہنا ہے کہ جیسے ہی آنکھ کو کچھ ہوجائے فورا ڈاکٹر سے رجوع کرنا چاہیے خصوصاً جب دیکھنے میں مشکل پیش آئے، درد ہو بے چینی ہو، کھولنے میں دقت ہو یا آنکھ کی سفیدی میں خون کا ہونا، یا پھر ایک آنکھ کا دوسرے سے مختلف شکل میں ہونا۔

کیا بچے کووڈ 19 کے پھیلاؤ کا ذریعہ بن سکتے ہیں؟

0

ماہرین کا کہنا ہے کہ بچے کرونا وائرس سے زیادہ بیمار نہیں ہوتے مگر وہ اس بیماری کو بالکل ویسے ہی پھیلا سکتے ہیں جیسے کووڈ 19 سے متاثرہ کوئی بالغ شخص۔

امریکا میں ہونے والی ایک تحقیق کے مطابق بچے کووڈ 19 سے زیادہ بیمار نہیں ہوتے مگر وہ اس بیماری کو آگے بالغ افراد کی طرح ہی پھیلا سکتے ہیں۔

میساچوسٹس جنرل ہاسپٹل، برگھم اینڈ ویمنز ہاسپٹل اور ریگن انسٹی ٹیوٹ کی تحقیق میں سابقہ نتائج کی تصدیق کی گئی کہ نومولود بچے، چھوٹے اور بڑے بچوں کے نظام تنفس میں کرونا وائرس کی تعداد بالغ افراد جتنی ہی ہوتی ہے اور ان کے جسموں میں اسی شرح سے وائرس کی نقول بنتی ہیں۔

اس تحقیق میں 2 ہفتے سے 21 سال کی عمر کے 110 بچوں کا جائزہ لیا گیا تھا جن میں کووڈ 19 کی تشخیص ہوئی تھی۔

تحقیق میں دریافت کیا گیا کہ ہر عمر کے بچوں میں چاہے ان میں بیماری کی علامات موجود ہوں یا نہ ہوں، وائرل لوڈ کی مقدار بہت زیادہ ہوتی ہے۔

ماہرین کے مطابق یہ سوال پہلے سے موجود تھا کہ بچوں میں زیادہ وائرل لوڈ اور زندہ وائرس کے درمیان تعلق موجود ہے یا نہیں۔ انہوں نے کہا کہ ہم اب ٹھوس جواب دینے کے قابل ہوگئے ہیں کہ یہ زیادہ وائرل لوڈ متعدی ہوتا ہے یعنی بچے بہت آسانی سے کووڈ 19 کو اپنے ارگرد پھیلا سکتے ہیں۔

انہوں نے یہ بھی دریافت کیا کہ بچوں میں زیادہ وائرل لوڈ اور بیماری کی شدت میں کوئی تعلق نہیں ہوتا، مگر بچے اس وائرس کو جسم میں لے کر پھر سکتے ہیں اور دیگر افراد کو متاثر کرسکتے ہیں۔

ان کا کہنا تھا کہ طالب علم اور اساتذہ اب اسکول لوٹ رہے ہیں مگر اب بھی بچوں میں کووڈ 19 کے اثرات کے حوالے سے متعدد سوالات کے جوابات تلاش کرنا باقی ہے، جیسے
بیشتر بچوں میں بیماری کی علامات ظاہر نہیں ہوتیں یا معمولی علامات کا سامنا ہوتا ہے، جس سے یہ غلط خیال پیدا ہوا کہ بچوں سے اس بیماری کے پھیلنے کا خطرہ کم ہوتا ہے۔

انہوں نے مزید بتایا کہ کووڈ 19 سے متاثر بچوں میں کرونا وائرس کے وائرل فیچرز کی جانچ پڑتال سے زیادہ بہتر پالیسیوں کو تشکیل دینے میں مدد مل سکے گی۔

ٹی 20 ورلڈکپ: قومی کرکٹ اسکواڈ دبئی روانہ، 24 اکتوبر کو بڑا ٹاکرا

0

لاہور: ٹی ٹوئنٹی ورلڈ کپ کے لیے قومی کرکٹ اسکواڈ دبئی روانہ ہوگیا ہے، پاکستان اپنا پہلا میچ 24 اکتوبر کو روایتی حریف بھارت کے خلاف کھیلے گا۔

تفصیلات کے مطابق قومی کرکٹ ٹیم کا 30 رکنی اسکواڈ خصوصی طیارے سےدبئی روانہ ہوا، قومی کرکٹ ٹیم 18 اور 20 اکتوبر کو بالترتیب ویسٹ انڈیز اور جنوبی افریقا کے خلاف وارم اپ میچز کھیلے گی۔

ورلڈکپ میں شرکت کے لیے قومی اسکواڈ لاہور سے متحدہ عرب امارات(یواے ای) روانہ ہوا، کھلاڑی ایک ساتھ نجی ہوٹل سے اپنے اہل خانہ کے ہمراہ ایئرپورٹ پہنچے، جہاں ان کا گروپ فوٹو سشین بھی ہوا، ہوائی اڈے پر کپتان بابراعظم کو ستائیسویں سالگرہ پر کیک بھی پیش کیا گیا۔

روانگی کے موقع پر کوچز اور کھلاڑی پرجوش دکھائی دیئے۔ یو اے ای میں کھلاڑی ایک روز کے قرنطینہ کے بعد دفاعی چیمپئن ویسٹ انڈیز اور جنوبی افریقا کے خلاف فارم اور فٹنس کو پرکھنے کے لیے وارم اپ میچ کھیلیں گے۔

پاکستان مشن ورلڈ کپ کا آغاز چوبیس اکتوبر کو روایتی حریف بھارت کے خلاف میچ سے کرے گا، قومی ٹیم ناصرف بھارت کو پچھاڑنے بلکہ بڑا ٹائٹل اپنے نام کرنے کے لیے بھی پرجوش ہے۔

سعودی حکومت کی سفری پابندی، غیرملکی کیلئے نئی مشکلات

0

ریاض: سعودی عرب میں مقیم غیرملکی سفری پابندی کے پیش نظر خروج ونہائی ویزے پر سفر نہیں کرسکا جس کے باعث وہ مشکلات کا شکار ہوچکا ہے۔

عرب میڈیا کی رپورٹ کے مطابق سعودی محکمہ پاسپورٹ وامیگریشن(جوازات) سے مقامی شہری نے اپنے تارک وطن ملازم کی پریشانی بتائی کہ کارکن کا خروج نہائی لگایا تھا مگر ان کے ملکی حالات کی وجہ سے سفری پابندی کے باعث وہ جا نہیں سکے اور فائنل ایگزٹ کی مدت ختم ہو گئی ہے کیا کیا جائے؟

جوازات نے وضاحت پیش کی کہ خروج نہائی(فائنل ایگزٹ) کی انتہائی مدت 60 دن ہوتی ہے اس دوران اگر سفر نہ کرنا ہو تو مدت ختم ہونے سے قبل اسے منسوخ کرانا ضروری ہے بصورت دیگر 1000 ریال جرمانہ عائد کیاجاتا ہے۔

سعودی قوانین کے تحت خروج ونہائی ویزا نکلوانے کے بعد ساٹھ دن کی مہلت دی جاتی ہے اس دوران اگر سفر کرنے کا ارادہ تبدیل ہوجائے تو وہ ویزا کینسل کرا سکتا ہے۔

فیکٹری ورکرز سمیت دیگر ملازمین کو بھی براہ راست سعودی عرب آنے کی اجازت مل گئی؟

جبکہ مدت ختم ہوجائے تو جرمانہ عائد کیاجاتا ہے جس کی ادائیگی کے بعد ہی سسٹم میں کارکن کی فائل کھولی جاسکتی ہے، اس مرحلے سے قبل دستاویزی کارروائی ممکن نہیں ہوگی۔

قبل ازیں مملکت کے محکمہ پاسپورٹ وامیگریشن(جوازات) کے ٹوئٹر پر ایک تارک وطن نے استفسار کیا کہ کیا فیکٹری ورکروں کو بھی سفری پابندی کے شکار ممالک سے براہ راست مملکت آنے کی اجازت دی گئی ہے؟ جس پر جوازات نے وضاحت پیش کی کہ فی الحال شعبہ تعلیم سے وابستہ افراد مشروط طور پر سعودی عرب آسکتے ہیں۔