The news is by your side.

ٹم پین کی وکٹ نے ڈی آر ایس سسٹم پر سوال اٹھادیا

ملیبرن: آسٹریلیا اور نیوزی لینڈ کے درمیان ملیبرن ٹیسٹ کے دوسرے روز ٹم پین کی وکٹ نے ڈی آر ایس سسٹم پر سوال اٹھادیا۔

تفصیلات کے مطابق کیوی اور کینگروز کے درمیان کھیلے جانے والے ملیبرن ٹیسٹ میچ کے دوسرے روز آسٹریلوی کپتان ٹم پین 79 رنز پر ایل بی ڈبلیو آؤٹ ہوئے جو ڈی آر ایس سسٹم کے تحت آؤٹ قرار دیا گیا لیکن آسٹریلوی کپتان نے ڈی آر ایس سسٹم پر سوال اٹھادیا۔

ٹم پین کا کہنا تھا کہ میرا خیال ہے کہ گیند جس لینتھ پر پچ ہوئی اور بولرز آراؤنڈ کا وکٹ بولنگ کررہا تھا تو گیند کا وکٹ کی لائن میں آنا میرے لیے حیران کن تھا۔

دوسری جانب کچھ کمنٹیٹر نے ویگنر کی بال پر یہ یقین کرنا مشک لہے کہ گیند اتنی تیزی سے کاٹ کھا کر وکٹ کی لائن سے ٹکرا جاتی ہے اور مڈل اسٹمپڈ ہٹ کرتی ہے۔

اس سے قبل آسٹریلوی کپتان کو اس وقت مایوسی کا سامنا کرنا پڑا تھا جب امپائر نے پین کی جانب سے ایل بی ڈبلیو کی اپیل پر امپائر نے راس ٹیلر کو آؤٹ دے دیا تھا لیکن ریویو کے موقع پر ٹریکنگ ٹیکنالوجی میں گیند وکٹ سے اوپر کی جانب جارہی تھی۔

واضح رہے کہ ٹیسٹ میچ کے دوسرے روز ٹریوس ہیڈ کی سنچری کی بدولت کینگروز نے پہلی اننگز میں 467 رنز کا پہاڑ کھڑا کردیا ہے۔

بولنگ کی طرح بیٹنگ میں بھی کیوی ٹیم مشکلات کا شکار نظر آئی، ٹام بلینڈل اور کین ولیم سن جلد پویلین لوٹ گئے، دن کے اختتام پر نیوزی لینڈ نے 2 وکٹوں پر 44 رنز بنالیے ہیں۔

Comments

یہ بھی پڑھیں