میلبرن: بھارت اور آسٹریلیا کے درمیان کھیلے جانے والے دوسرے ٹیسٹ میچ کے پہلے روز آسٹریلوی کپتان ٹم پین کا رن آؤٹ متنازع بن گیا۔
تفصیلات کے مطابق باکسنگ ڈے ٹیسٹ میچ کے پہلے روز آسٹریلوی کپتان ٹیم پین کا رن آؤٹ متنازع بن گیا،تھرڈ امپائر نے ٹیم پین کو ناٹ آؤٹ قرار دیا جبکہ سابق کرکٹرز سمیت شائقین کرکٹ اسے آؤٹ قرار دے رہے ہیں۔
بھارتی وکٹ کیپر رشبھ پینٹ سمیت تمام کھلاڑی تھرڈ امپائر کے آؤٹ دینے سے قبل ہی جشن منانے لگے لیکن تھرڈ امپائر نے ری پلے دیکھنے کے بعد ٹم پین کو ناٹ آؤٹ قرار دیا۔
ویڈیو میں دیکھا جاسکتا ہے کہ ایشون کی گیند پر کیمرون گرین نے رن لینے کی کوشش کی ٹم پین تھوڑی دیر رکنے کے بعد رن لینے کے لیے بھاگے جس کے باعث انہیں کریز پر پہنچنے میں تاخیر ہوئی۔
مذکورہ رن آؤٹ پر سابق آسٹریلوی امپائر سائمن ٹوفل نے کہا کہ ’رن آؤٹ کی ویڈیو دیکھی ہے، خوشی ہے کہ میں اس وقت باکس میں موجود نہیں تھا،امپائر پال ولسن نے ویڈیو سے تمام شواہد دیکھ کر ہی ناٹ آؤٹ قرار دیا ہوگا۔
دوسری جانب سابق لیگ اسپنر شین واردن نے سماجی رابطے کی ویب سائٹ ٹویٹر پر لکھا کہ ’میں حیران ہوں کہ ٹم پین ری ویو میں رن آؤٹ سے بچ گئے، میری رائے کے مطابق یہ آؤٹ ہونا چاہئے تھا۔
Very surprised that Tim Paine survived that run out review ! I had him on his bike & thought there was no part of his bat behind the line ! Should have been out in my opinion
— Shane Warne (@ShaneWarne) December 26, 2020
Paine run out! Incredible. No wait, he's given not out. Almost as incredible #AusvInd
— Daniel Brettig (@danbrettig) December 26, 2020
واضح رہے کہ میلبرن ٹیسٹ میں آسٹریلیا کی ٹیم پہلی اننگز میں 195رنز پر ڈھیر ہوگئی، جسپریت بمرا نے چار کھلاڑیوں کی پویلین کی راہ دکھائی ، روی چندر ایشون نے تین وکٹیں حاصل کیں۔
پہلے روز کھیل کے اختتام پر بھارت نے ایک وکٹ کے نقصان پر 36 رنز بنالیے ہیں، شبھ من گل 28 اور پجارا 7 رنز کے ساتھ کریز پر موجود ہیں، مچل اسٹارک نے اگروال کو صفر پر پویلین روانہ کیا۔
Australia ALL OUT for 195.
Bumrah's 4/56 the pick of the figures, while Labuschagne top scores with 48.
About 50 minutes for India to face until stumps #AUSvIND pic.twitter.com/Jt7jBpEoNq
— 7Cricket (@7Cricket) December 26, 2020
