چمن:پاک افغان سرحدی کشیدگی کےباعث چمن بارڈر 14 روز سے بند ہے،باب دوستی سیل ہونے کی وجہ سےتجارتی سرگرمیاں متاثر ہو رہی ہیں۔
تفصیلات کے مطابق پاک افغان چمن بارڈر 14 روز سے بند ہے ،باب دوستی سیل ہونے کے باعث افغانستان سمیت وسط ایشیا اور یورپ سےتجارتی سرگرمیاں معطل ہیں۔
پاک افغان بارڈر بندہونے کے باعث برآمد کی جانے والی اشیاء خراب ہورہی ہیں اور مزید نقصان سے بچنے کے لیے بیوپاری اشیائےخوردونوش سستے داموں میں فروخت کررہے ہیں۔
سیکیورٹی خدشات کے پیش نظرچمن اور اس کے اطراف کے علاقوں میں 9 روز سے انٹرنیٹ سروسز معطل ہے۔تھری جی اورفور جی کی بندش سے صارفین کوبھی سخت مشکلات کا سامنا کرنا پڑ رہا ہے۔
مزید پڑھیں:باب دوستی کے تمام گیٹس سیل اورغیر روائتی راستے بند، تجارتی سرگرمیاں معطل
یاد رہے رواں ماہ دہشت گردی کی نئی لہر کے باعث چمن اور طورخم پاک افغان سرحد کو بند کردیا گیا تھا،سرحد کی بندش سےتاحال تجارتی سرگرمیاں معطل ہیں۔
مزید پڑھیں:پاک افغان سرحدغیرمعینہ مدت کےلیے بند
واضح رہےکہ پاکستان میں گذشتہ چند دنوں کے دوران دہشت گردی کے واقعات میں اضافے اور ان میں 100 سے زیادہ افراد کی ہلاکت کے بعدپاک افغان بارڈر کو بندکرنےکافیصلہ سامنے آیاتھا۔
