The news is by your side.

Advertisement

بارڈر مارکیٹ کا قیام، شاہ محمود اور افغان ہم منصب میں فون پر رابطہ

اسلام آباد: پاکستان اور افغانستان نے باہمی تجارت میں اضافے کے لیے بارڈر مارکیٹ کے قیام کے سلسلے میں عزم کا اظہار کیا ہے۔

تفصیلات کے مطابق آج وزیر خارجہ پاکستان شاہ محمود قریشی اور افغان ہم منصب محمد حنیف آتمر میں ٹیلی فونک رابطہ ہوا، جس میں دو طرفہ تعلقات، افغان امن عمل اور باہمی دل چسپی کے امور پر تبادلہ خیال کیا گیا۔

وزیر خارجہ شاہ محمود نے کہا کہ ہم تجارت میں اضافے کے لیے بارڈر مارکیٹ کے قیام کے لیے پُر عزم ہیں۔ وزیر خارجہ نے دو طرفہ معاہدے کے مسودے کو جلد حتمی شکل دینے پر بھی زور دیا۔

افغان امن معاملے پر انھوں نے کہا پاکستان افغان مسئلے کے پُر امن، جامع اور دیرپا حل کا خواہش مند ہے، پاکستان نے امن معاہدے میں مصالحانہ کردار ادا کیا، بین الافغان مذاکرات دیرپا امن کے لیے ایک نادر موقع ہے۔

پاک ترک تعلقات میں اہم سنگ میل، طیب اردوان کا دوٹوک اعلان

شاہ محمود قریشی نے کہا بین الافغان مذاکرات کا نتیجہ خیز ہونا خطے کے امن کے لیے ناگزیر ہے۔دونوں وزرائے خارجہ نے افغان امن عمل کے لیے مشاورت جاری رکھنے پر اتفاق کیا۔

ٹیلی فونک گفتگو میں وزیر خارجہ پاکستان نے اپنے افغان ہم منصب کے ساتھ معمولی جرائم میں قید پاکستانیوں کی رہائی کا معاملہ بھی اٹھایا۔

Comments

یہ بھی پڑھیں