The news is by your side.

Advertisement

پشاور سے جلال آباد بس سروس کے سلسلے میں خوش خبری

پشاور: خیبر پختون خوا حکومت نے پاک افغان دوستی بس سروس دوبارہ شروع کرنے کا فیصلہ کیا ہے۔

اے آر وائی نیوز کے مطابق 2016 سے بند پاک افغان دوستی بس سروس دوبارہ شروع کرنے کا فیصلہ کیا گیا ہے، یہ بس سروس پشاور سے افغان صوبے جلال آباد تک چلائی جائے گی۔

کمشنر پشاور ریاض محسود نے بتایا کہ دوستی بس سروس کے لیے بس کمپنی کی خدمات حاصل کرنے کی غرض سے 14 جنوری کو ٹینڈر جاری کیا جائے گا۔

کمشنر پشاور کے مطابق ابتدائی طور پر روزانہ 40 بسوں کے ذریعے مسافروں کو جلال آباد سے پشاور لایا جائے گا، مسافروں کی سہولت کے لیے امیگریشن کی سہولیات اڈے ہی پر فراہم کی جائے گی۔

ریاض محسود کا کہنا تھا کہ امیگریشن حکام اڈے پر ہی مسافروں کی دستاویزات چیک کریں گے، جب کہ مسافروں کی سیکیورٹی پشاور اور ضلع خیبر کی انتظامیہ اور پولیس کے ذمے ہوگی۔

انھوں نے یقین دہانی کرائی کہ بس سروس شروع کرنے کے لیے معیاری کمپنی کی خدمات حاصل کی جائیں گی، ایک بس 45 سیٹوں پر مشتمل ہوگی، اور بالکل نئی بسیں لائی جائیں گی، بسوں میں کمپنی کی جانب سے سیکیورٹی گارڈ بھی تعینات ہوگا۔

کمشنر پشاور کے مطابق پشاور تا جلال آباد بس سروس کی کامیابی کے بعد اسلام آباد تا کابل بس سروس بھی چلائی جائے گی۔

Comments

یہ بھی پڑھیں