site
stats
پاکستان

چمن : آئندہ 48گھنٹے میں پاک افغان سرحد کھولنے سے متعلق اہم پیشرفت متوقع

چمن : افغان جارحیت کے بعد پاک افغان سرحد پر باب دوستی آج نویں روزبھی بند ہے، زرائع کا کہنا ہے آئندہ 48گھنٹے میں سرحد کھولنے سے متعلق اہم پیشرفت متوقع ہے۔

چمن میں افغان فوج کی جارحیت کے بعد سے پاک افغان سرحد باب دوستی آج نویں روز بھی بند ہے، چمن بارڈر کی بندش کے باعث پاک افغان دوطرفہ تجارت اور پیدل آمدورفت بھی نہیں ہو رہی۔ تاہم علاج کے لئے پاکستان آنے والے افغان شہریوں کو انسانی ہمدردی کی بنیاد پر ویزا پاسپورٹ پر واپس جانے کی اجازت دی جا رہی ہے۔

زرائع کا کہنا ہے کہ آئندہ 48گھنٹےمیں چمن میں پاک افغان بارڈر کھولنے سےمتعلق اہم پیشرفت متوقع ہے۔

چمن کے شہری علاقوں میں مردم شماری پاک فوج کی نگرانی میں جاری ہے تاہم افغان جارحیت سے متاثرہ کلی لقمان،کلی جہانگیر میں مردم شماری تاحال شروع نہیں ہوسکی ہے۔


مزید پڑھیں : چمن:پاک افغان بارڈر باب دوستی آج آٹھویں روز بھی بند


یاد رہے کہ افغان جارحیت کے بعد پاک افغان سیکیورٹی حکام کے درمیان باب دوستی پر فلیگ میٹنگ ہوئی تھی، جس میں دونوں جانب سےگوگل سروےمیپ،جیولوجیکل سروے میپ پر اتفاق کیا گیا ، میٹنگ میں کہا گیا کہ جیولوجیکل سروے ماہرین صورتحال کا جائزہ لیں گے اور افغان فورسز کے نقشوں میں فرق پایا گیا جو دور کیا جائے گا۔

سروے میں نقشوں کے ذریعے متنازع حدود کا تعین کیا جارہا ہے، پاک افغان ٹیموں کے نقشوں میں واضح فرق نہیں۔

سیکیورٹی زرائع کے مطابق فلیگ میٹنگ میں پاکستان کی جانب سے وفد کی قیادت سیکٹر کمانڈر ناردرن بریگیڈیئر ندیم سہیل نے کی جبکہ افغان فورسز کی جانب سے کرنل شریف فلیگ میٹنگ میں موجود تھے۔


مزید پڑھیں : چمن : افغان فورسز کی گولہ باری و فائرنگ،10 شہری شہید، 45زخمی


واضح رہے کہ گزشتہ روز چمن کےگاؤں کلی لقمان،کلی جہانگیر میں افغان فورسز نے مردم شماری کی ٹیم پر فائرنگ اور گولہ باری کی، جس کے نتیجے میں 10 افراد شہید اور 45زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top