The news is by your side.

Advertisement

پاک فضائیہ بھی کورونا وائرس کے خلاف جنگ میں پیش پیش

اسکردو : پاک فضائیہ کا سی -130 طیارہ زائرین کو لے کر اسکردو پہنچ گیا، زائرین کو پاک ایران سرحد پر واقع تفتان پر عارضی طور پر رکھا گیا تھا۔

تفصیلات کے مطابق حکومت پاکستان کی ہدایت پر پاک فضائیہ بھی کورونا وائرس کے خلاف جنگ میں امدادی کارروائیوں میں سرگرم عمل ہے۔

اس سلسلے میں پاک فضائیہ کا ایک سی -130 طیارہ دالبندین (بلوچستان ) سے زائرین کو لیکر اسکردو پہنچا، زائرین کو پاکستان اور ایران کی سرحد پر واقع تافتان میں عارضی طور پر رکھا گیا تھا۔

انھوں نے اس دور دراز مقام پر بہترین ممکنہ سہولیات کی فراہمی پر حکومتی کوششوں کا اعتراف کیا اور گلگت بلتستان کے زائرین کو اس خصوصی پرواز کے ذریعے اسکردو پہنچانے پر پاک فضائیہ کا بھی شکریہ ادا کیا۔

پاک فضائیہ کا ائیرٹرانسپورٹ بیڑا کوویڈ 19 وبائی مرض کے حوالے سے امدادی سرگرمیوں میں پیش پیش ہے اور انہی طیاروں کے ذریعے اب تک ہمسایہ ملک چین سے کئی ٹن امدادی اور طبی سامان پاکستان لایا جا چکا ہے۔

یاد رہے 29 مارچ کو پاک فضائیہ کا طیارہ چین سے امدادی سامان لے کر نور خان ایئر بیس پہنچا تھا،چودہ ٹن امدادی سامان میں وینٹی لیٹرز،این نائنٹی فائیو ماسک اور حفاظتی لباس شامل تھے۔

fb-share-icon0
Tweet 20

Comments

comments

یہ بھی پڑھیں