پاک امریکا مذاکرات کاامکان، امریکی اہم شخصیت کی پاکستان آمد متوقع -
The news is by your side.

Advertisement

پاک امریکا مذاکرات کاامکان، امریکی اہم شخصیت کی پاکستان آمد متوقع

اسلام آباد : اوباما انتظامیہ کی اہم شخصیت کے دورہ پاکستان کا امکان ہے، ذرائع کا کہنا ہے کہ دونوں ممالک کے درمیان جمعہ کے روز مذاکرات متوقع ہیں۔

تفصیلات کے مطابق ڈرون حملے، ایف سولہ طیاروں کی حوالگی اور دیگر مسائل پر بات چیت کیلیے پاک امریکا حکام جمعہ کے روز سرجوڑیں گے۔

ذرائع کے مطابق اہم امریکی شخصیت کی جمعرات کے روز پاکستان آمد متوقع ہے ان کے ساتھ نمائندہ خصوصی رچرڈاولسن بھی ہوں گے۔

پاک امریکاحکام کی جمعے کے روز متوقع ملاقات میں حالیہ امریکی ڈرون حملہ اور ایف سولہ طیاروں کی فراہمی پربات چیت موضوعِ گفتگو ہوگی ۔

ذرائع کے مطابق مذاکرات کے دوران نیوکلیئرسپلائرگروپ میں پاکستان کی شمولیت اورافغان امن عمل پر بھی بات ہوگی۔ ذرائع نے بتایاکہ پاکستانی حکام امریکا کی جانب سے بھارت کی بےجا حمایت پربھی بات کریں گے۔

یاد رہے کہ اس وقت بھارتی وزیراعظم مودی امریکہ کے دورے پر ہیں جہاں انہوں نے صدر اوباما سمیت اعلیٰ شخصیات سے ملاقاتیں کیں اور امریکی ایوان کانگریس سے خطاب بھی کیا۔

امریکی حکام سے مذکرات میں پاکستان کی جانب سے مشیر خارجہ سرتاج عزیز، سیکرٹری خارجہ اعزاز چوہدری اورطارق فاطمی شریک ہوں گے۔

 

Comments

comments

یہ بھی پڑھیں