The news is by your side.

Advertisement

پاک فوج کی افغان سرحد پر کارروائی، جماعت الاحرار کے کئی ٹھکانے تباہ

راولپنڈی: پاک فوج نے افغان بارڈر پر قائم دہشت گردوں کے متعدد ٹھکانوں کو تباہ کردیا، کارروائی میں دہشت گردوں کو بھاری جانی نقصان بھی اٹھانا پڑا۔

تفصیلات کے مطابق پاک فوج کی دہشت گردوں کے خلاف کارروائیاں جاری ہیں، پاک فوج نے سرحد پار چھپے دشمنوں پر پہلی کاری ضرب لگا دی، جوانوں نے پاک افغان سرحد کے قریب قائم جماعت الاحرارکے ٹھکانوں پر بمباری کی۔

مذکورہ کارروائیاں مہمند اور خیبرایجنسی کے سرحدی علاقے میں کی گئیں۔ ذرائع کے مطابق پاک فوج نے جماعت الاحرار کے ڈپٹی کمانڈرعادل باچا کا کیمپ اورتربیتی مرکزتباہ کردیا۔

علاوہ ازیں پاک فوج نے سرحدی علاقے میں مزید 4 دہشت گردوں کے کیمپ بھی تباہ کردیئے، کارروائی میں دہشت گردوں کو بھاری جانی نقصان بھی ہوا ہے تاہم ابھی تک اس حوالے سے مکمل معلومات نہیں مل سکیں۔

اطلاعات کے مطابق اب تک دہشت گردوں کے 6 سے زائد ٹھکانے تباہ کر دیئے گئے ہیں۔

یہ پڑھیں: سانحہ لاہور: خود کش بمبار کو لانے والا ملزم گرفتار

واضح رہے کہ لاہور دھماکے میں خود کش حملہ آور کو طور خم بارڈر سے لاہور لانے والے باجوڑ کے رہائشی ملزم انوار الحق کو پنجاب پولیس نے سی سی ٹی وی کیمروں کی مدد سے گرفتار کرلیا ہے، ملزم نے اعتراف کیا ہے کہ اس کا تعلق جماعت الاحرار سے ہے اور خالد عمر خراسانی گروپ کے حکم پرلاہور دھماکا کیا گیا۔

یہ ضرور پڑھیں: لاہور دھماکا: خودکش بمبار کو افغان بارڈر سے لایا، ملزم کا ویڈیو بیان

دوسری جانب سیکیورٹی اداروں کی جانب سے ملک بھر میں افغان باشندوں کے خلاف کریک ڈاؤن بھی جاری ہے، فارن ایکٹ کے تحت درجنوں افغان باشندوں کو گرفتار کرلیا گیا ہے۔

اسی سے متعلق: ملک بھرمیں دہشت گردوں کیخلاف گھیرا تنگ، 40 ہلاک

آج ہی آرمی چیف آرمی چیف جنرل قمر جاوید باجوہ نے افغانستان میں تعینات امریکی فوج کے سربراہ سے رابطہ کرکے مطالبہ کیا ہے کہ افغانستان میں موجود دہشت گردوں کے خلاف کارروائی کی جائے، پاکستان میں کارروائیاں وہیں سے ہورہی ہیں۔

 یہ بھی پڑھیں: دہشت گرد افغانستان میں‌ موجود ہیں،آرمی چیف کا جنرل نکولسن کو فون

پاک فوج کی ہیلپ ڈیسک قائم

دہشت گردوں کے خلاف مزید کارروائی کے لیے پاک فوج نے ہیلپ ڈیسک قائم کردی، آئی ایس پی آر نے کہا ہے کہ شہری مشتبہ سرگرمیوں کی اطلاع ہیلپ لائن 1135 پر دی جب کہ خیبر پختون خوا اور فاٹا کے شہری ہیلپ لائن 1125 پر اطلاع دیں۔

Print Friendly, PDF & Email

Comments

comments

یہ بھی پڑھیں