محرم الحرام: لاہور میں پاک فوج کا فلیگ مارچ -
The news is by your side.

Advertisement

محرم الحرام: لاہور میں پاک فوج کا فلیگ مارچ

لاہور: محرم الحرام میں سیکیورٹی کے انتظامات یقینی بنانے کے حوالے سے پاک فوج نے لاہور کے حساس مقامات اورامام بارگاہوں کے قریب فلیگ مارچ کیا۔

تفصیلات کے مطابق لاہورکے علاقے کینٹ سے شروع ہونے والے پاک فوج کے فلیگ مارچ میں درجنوں گاڑیاں شریک تھیں۔

عوام میں تحفظ کے احساس کو اجاگر کرنے کے لیے فلیگ مارچ شہر کےحساس مقامات اور امام بارگاہوں کے قریب کیا گیا۔

آئی ایس پی آر کا کہنا ہے کہپاک فوج دہشت گردی کے خلاف جنگ میں قانون نافذ والے اداروں کے شانہ بشانہ کھڑی ہے اورمحرم الحرام میں ضرورت پڑنے پر پاک آرمی کو طلب کیا جاسکتا ہے۔

واضح رہےکہ لاہورمیں حساس مقامات کی سیکیورٹی کے لئے پاک فوج کے جوان تعینات کئے گئے ہیں۔

Comments

comments

یہ بھی پڑھیں