The news is by your side.

Advertisement

پاک فوج کا نانگا پربت پرپھنسے کوہ پیماؤں کو نکالنے کیلئے ہائی رسک ریسکیو آپریشن

گلگت : پاک فوج کا نانگا پربت پر پھنسے کوہ پیماؤں کو نکالنے کیلئے ہائی رسک ریسکیو آپریشن جاری ہے۔

تفصیلات کے مطابق پاکستان کی فوج کے شعبہ تعلقاتِ عامہ (آئی ایس پی آر) کی جانب سے بیان میں کہا گیا ہے کہ پاک فوج کا نانگا پربت پرپھنسےکوہ پیماؤں کونکالنے کیلئےہائی رسک ریسکیو آپریشن جاری ہے۔

آئی ایس پی آر کا کہنا ہے کہ گراؤنڈ ریسکیو ٹیم کا شہروز کاشف سے 19000 فٹ پر کیمپ 2 میں رابطہ قائم ہوا ، پاکستان آرمی ایوی ایشن کے پائلٹ کوہ پیماؤں کو بچانے کیلئے کوشش کر رہے ہیں۔

ترجمان نے بتایا کہ موسم صورتحال کا فائدہ اٹھاتے ہوئے پھنسے کوہ پیماؤں کی منتقلی کی کوشش کی جائے گی۔

نانگاپربت پر پھنسے کوہ پیماؤں شہروزکاشف اورفضل علی کی محفوظ منتقلی کیلئے اقدامات جاری ہے اور کوہ پیماؤں کو بچانے کے لئے پاک آرمی ایوی ایشن کے ہیلی کاپٹر، گراؤنڈ سرچ ٹیم مصروف عمل ہے۔

پاکستان آرمی ایوی ایشن کے پائلٹس نے خراب موسمی حالات کے باوجود 2 ہیلی مشن اڑائے تاہم ہیلی کاپٹرز گھنے بادلوں اور زیادہ اونچائی کی وجہ سےکوہ پیماؤں کونہیں اٹھا سکے۔

زمینی تلاش کی ٹیم پھنسے ہوئےکوہ پیماؤں کےقریب پہنچ چکی ہے ، زمینی ٹیم کوہ پیماؤں کو کیمپ 2 سے ریسکیو کرنے کی کوشش کررہی ہے۔

Comments

یہ بھی پڑھیں