انشااللہ کشمیریوں کی قربانیاں رنگ لائیں گی، ڈی جی آئی ایس پی آر
The news is by your side.

Advertisement

انشاء اللہ کشمیریوں کی قربانیاں رنگ لائیں گی، ڈی جی آئی ایس پی آر

راولپنڈی : یوم شہداء کشمیر پر مسلح افواج نے شہدا کشمیر کو خراج عقیدت پیش کرتے ہوئے کہا انشااللہ کشمیریوں کی قربانیاں رنگ لائیں گی،بھارتی فوج جبر سے کشمیریوں کی سیاسی جدوجہد نہیں دبا سکتی۔

تفصیلات کے مطابق ڈی جی آئی ایس پی آر میجر جنرل آصف غفور نے یوم شہداءکشمیر کے موقع پر سماجی رابطے کی ویب سائٹ ٹوئٹر پر مسلح افواج کی جانب سے شہداء کشمیر کو خراج عقیدت پیش کیا۔

ڈی جی آئی ایس پی آر نے کہا مقبوضہ کشمیرمیں بھارتی فورسزکاظلم جاری ہے، انشااللہ کشمیریوں کی قربانیاں رنگ لائیں گی،بھارتی فوج جبر سے کشمیریوں کی سیاسی جدوجہد نہیں دبا سکتی اور کشمیریوں کو حق خودارادیت سے کوئی محروم نہیں کرسکتا۔

یاد رہے مقبوضہ کشمیر میں یوم شہدا جموں آج منایا جا رہا ہے، چھ نومبر کو ڈوگرہ فوج نے لاکھوں کشمیریوں کو بدترین تشدد کر کے شہید کیا تھا۔

اس دن ڈوگرہ فوج اور ہندو بلوائیوں نے ایک سازش کے تحت جموں کے نہتے مسلمانوں کا قتل کیا، مسلمانوں کا خون اس بے دردی سے بہایا گیا جس کی تاریخ انسانی میں مثال نہیں ملتی ۔

یوم شہدائے جموں اس عزم کی تجدید کے لیے منایا جاتا ہے کہ جموں کے مسلمانوں نےقیمتی جانوں کا نذرانہ جس مقصد کے حصول کے لیے پیش کیا تھا اس مقصد کو نہ تو فراموش کیا جائے گا اور نہ ہی اس کے حصول میں آئندہ کسی بڑی سے بڑی قربانی سے دریغ کیا جائے گا۔

چھ نومبر یوم شہداء جموں تحریک آزادی کشمیر کا سنگ میل ہے ، اس دن لاکھوں کشمیریوں نے پاکستان کی محبت ، بھارت سے وطن کی آزادی کیلئے اپنی جانوں کا نذرانہ پیش کیا۔

Comments

comments

یہ بھی پڑھیں