راولپنڈی: پاک فوج نے 6 ستمبر کو ہونے والی یوم دفاع کی تقریب ملتوی کردی ہے۔
ترجمان پاک فوج کے مطابق 6 ستمبر کو ہونے والی یوم دفاع کی تقریب سیلاب زدگان سے یکجہتی کیلئے ملتوی کی گئی ہے، انہوں نے کہا کہ مسلح افواج سیلاب زدگان کی بحالی کے لئے کام کرتی رہے گی۔
In solidarity with the flood affected people of Pakistan, central ceremony at GHQ to commemorate Defence & Martyrs Day on 6 September has been postponed.
Pakistan Armed Forces shall continue serving our brothers and sisters struck by unprecedented floods.— DG ISPR (@OfficialDGISPR) August 31, 2022
خیال رہے کہ پاک فوج کا سیلاب متاثرہ علاقوں میں ریلیف اور ریسکیو آپریشن بھرپور انداز میں جاری ہے، آئی ایس پی آر کے مطابق ہیلی کاپٹرز کی 140 پروازوں کے ذریعے ریسکیو اور ریلیف آپریشن کیا گیا اور 550 سے زائد سیلاب متاثرین کو محفوظ مقام پر منتقل کیا گیا۔
آئی ایس پی آر کی جانب سے جاری بیان کے مطابق گزشتہ 24 گھنٹے میں ہیلی کاپٹرز سے 29 ٹن راشن اور امدادی سامان منتقل کیا گیا۔ 6 ہزار 140 راشن پیکٹس اور 325 خیمے تقسیم کیے گئے، میڈیکل کیمپس میں 5 ہزار 213 مریضوں کا مفت علاج کیا گیا۔
