صحرائے چولستان میں خشک سالی، پاک فوج کا امدادی کیمپ سرگرم عمل

بہاولپور: صحرائے چولستان میں خشک سالی کی صورتحال کے باعث پاک فوج کا امدادی کیمپ سرگرم عمل ہے، پاک فوج کے دستے لوگوں کو پینے کا پانی اور ضروری طبی سامان فراہم کر رہے ہیں۔

تفصیلات کے مطابق صحرائے چولستان میں پاک فوج اور سول انتظامیہ کی جانب سے طبی اور خشک سالی ریلیف کیمپ قائم کیا گیا، امدادی کیمپ میں عوام اور لائیو اسٹاک کے تحفظ کے لیے اقدامات کیے جارہے ہیں۔

بہاولپور کے علاقوں دراوڑ، بجنوٹ، مصری والا، پنواراں، احمد والا، نواں کوٹ، کہری والا، چنن پیر، دھوری، کالے پار اور موج گڑھ میں کیمپ قائم کیے گئے ہیں۔

پاک فوج کے دستے لوگوں کو پینے کا پانی اور ضروری طبی سامان فراہم کر رہے ہیں، متاثرہ علاقے کے ساڑھے 4 ہزار مریضوں کا علاج کیا گیا اور 1 ہزار کٹس تقسیم کی گئیں۔

1 ہزار راشن پیکج اور 3 ہزار فوڈ پیکج بھی لوگوں میں تقسیم کیے گئے۔

Comments