پاک فوج کے اہلکاروں نے ڈوبنے والے پانچ افراد کو بچالیا، آئی ایس پی آر -
The news is by your side.

Advertisement

پاک فوج کے اہلکاروں نے ڈوبنے والے پانچ افراد کو بچالیا، آئی ایس پی آر

راولپنڈی : پاک فوج کے اہلکاروں نے کامیاب ریسکیو آپریشن کرتے ہوئے دریا میں پھنسے ہوئے پانچ افراد کو بحفاظت محفوظ مقام پر پہنچا دیا۔

پاک فوج کے شعبہ تعلقات عامہ آئی ایس پی آر کے مطابق راولپنڈی کے دریا سواں میں ایک خاندان کے افراد موجود تھے کہ دریا میں پانی کی سطح اچانک بلند ہونے سے  بلند ہونے سے انہیں سنبھلے کا موقع نہ ملا اور پانچوں افراد پھنس گئے۔

اطلاع ملنے پر پاک فوج نے امدادی کارروائی فوری طور پر شروع کی، پاک فوج نے دریا سواں میں ریسکیو آپریشن شروع کردیا، اس دوران آرمی ہیلی کاپٹر زکے ذریعے ایک خاتون اور دو بچیوں سمیت5افراد کو ریسکیو کرلیا گیا۔

آئی ایس پی آر کے مطابق مذکورہ پانچوں افراد کو محفوظ مقام پر منتقل کردیا گیا، اس موقع پر وہاں موجود علاقہ مکینوں نے پاک فوج کا شکریہ ادا کیا اور اور پاک فوج زندہ باد کے نعرے لگائے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں