The news is by your side.

Advertisement

کینگروز نے پاکستانی بولرز کو رنز کے پہاڑ تلے دبا دیا

ڈیوڈ وارنر نے ناقابل شکست 335 رنز بنائے، لبوشین کی بھی مسلسل دوسری سنچری

ایڈیلیڈ: پاکستان اور آسٹریلیا کے درمیان کھیلے جانے والے دوسرے ٹیسٹ میچ کے دوسرے روز آسٹریلیا نے ایڈیلیڈ کے میدان میں پاکستانی بولرز کو رنز کے پہاڑ تلے دبا دیا۔

تفصیلات کے مطابق ایڈیلیڈ ٹیسٹ میں رنز کا سیلاب پاکستانی بولرز کو بہا لے گیا، آسٹریلیا نے پہلی اننگز 589 رنز پر ڈکلیئر کر دی، وارنر نے اپنے کیریئر کی پہلی اور ٹیسٹ کرکٹ کی چوتھی تیز ترین ٹرپل سنچری اسکور کی اور ناقابل شکست 335 بنائے۔ وارنر ایڈیلیڈ میں سب سے بڑی اننگز کھیلنے والے بلے باز بھی بن گئے۔

آسٹریلوی بلے باز لبوشین نے بھی مسلسل دوسری سنچری بنائی، اور اس دوران پاکستانی بولرز کی خوب پٹائی لگائی، قومی بولرز آسٹریلیا میں وکٹ لینا ہی بھول گئے، پاکستانی بولر عباس، یاسر اور موسیٰ بے بسی کی تصویر بنے رہے۔

یہ بھی پڑھیں:  ایڈیلیڈ ٹیسٹ، آسٹریلیا نے پہلے روز 1 وکٹ پر 302 رنز بنالیے

قومی بولرز نے رنز دینے میں سنچریاں بنائیں، یاسر نے 197، عباس نے 100، موسیٰ نے 118 رنز دیے، شاہین آفریدی کے علاوہ کوئی بھی بولر وکٹ نہ لے سکا۔ آسٹریلیا نے پہلی اننگز پانچ سو نواسی رنز تین وکٹ پر ڈکلیئر کر دی۔

دوسری طرف پاکستان نے اپنی پہلی اننگز کا آغاز ہی نقصان سے کر دیا ہے، پاکستان کی پہلی وکٹ 3 رنز پر گر گئی، امام الحق 2 رنز بنا کر آؤٹ ہو گئے ہیں۔

fb-share-icon0
Tweet 20

Comments

comments

یہ بھی پڑھیں