The news is by your side.

Advertisement

پی پی لانگ روٹ میں پاک آسٹریلیا میچ کے باعث تبدیلی

اسلام آباد: پاک آسٹریلیا میچ کے باعث پاکستان پیپلز پارٹی کے لانگ روٹ میں تبدیلی کر دی گئی ہے۔

تفصیلات کے مطابق پی پی کے عوامی مارچ کے اسلام آباد کے لیے لانگ روٹ میں پاک آسٹریلیا میچ کے باعث تبدیلی کی گئی ہے، بلاول بھٹو کو لانگ مارچ روٹ میں تبدیلی سے متعلق آگاہ کر دیا گیا۔

ذرائع کا کہنا ہے کہ پیپلز پارٹی کا لانگ مارچ روات ٹی چوک سے اسلام آباد میں داخل ہو گا، اور لانگ مارچ کے شرکا 7 مارچ کو ٹی چوک پر رات گزاریں گے۔

دوسری طرف پاکستان اور آسٹریلیا کے درمیان راولپنڈی ٹیسٹ خراب روشنی کے باعث روک دیا گیا ہے، آج میچ کا تیسرا دن تھا، آسٹریلیا نے 2 وکٹوں پر 271 رنز بنا لیے ہیں، مارنس لبوشین 69 اور اسٹیو اسمتھ نے 24 رنز بنائے، جب کہ عثمان خواجہ 97 رنز پر نروس نائنٹیز کا شکار ہوا، ڈیوڈ وارنر 68 رنز بنا کر آؤٹ ہوئے۔

Comments

یہ بھی پڑھیں