The news is by your side.

Advertisement

ہماری بندر گاہیں ملک کی اقتصادی ترقی کی ضامن ہیں: وائس ایڈمرل کلیم شوکت

کراچی: وائس چیف آف نیول وائس ایڈمرل کلیم شوکت نے کہا ہے کہ پاکستان کے بحری تجارتی راستے اور میری ٹائم زون ملکی معیشت کی شہ رگ ہیں جن کا تحفظ ہر قیمت پر کیے جانے کی ضرورت ہے۔

ان خیالات کا اظہار انہوں نے پی این ڈاکیارڈ میں منعقد پاک بحریہ کے لیے تائجن شپ یارڈ چائنا میں تعمیر شدہ ڈریجر راہ کشا اور اسپلٹ ہوپر بارج ترسیل اول اور دوئم کی پاکستان نیوی میں شمولیت کی تقریب سے خطاب کے دوران کیا، اس موقع پر پاک بحریہ کے اعلٰی افسران، معزز چینی مہمانوں اور کارپوریٹ سیکٹر کے نمائندوں نے بھی شرکت کی۔

پاک ترک دوستی خطےکے لیے انتہائی اہم ہے: سربراہ پاک بحریہ

 وائس ایڈمرل کلم شوکت نے  کہا کہ ہماری بندر گاہیں ملک کی اقتصادی ترقی کی ضامن ہیں جنہیں ہمہ وقت فعال رکھنے کے لئے ایک مضبوط بحریہ وقت کی اہم ضرورت ہے، ڈریجر راہ کشا کی شمولیت سے پاک بحریہ کی ایک اہم ضرورت پوری ہوئی ہے۔

 ان کا مزید کہنا تھا کہ ڈریجر راہ کشا اپنے متعین کردہ مقاصد ضرور پورے کرے گا، یہ ڈریجر پاکستان اور چین کے درمیان غیر مثالی دوستی اور دو طرفہ دفاعی تعاون کی اہم علامت ہے جو ہمیشہ توقعات پر پوری اتری ہے۔

خیال رہے کہ ​نو تعمیر شدہ ڈریجر راہ کشا اور اس کی دو ہوپر بارجز ترسیل اول اور دوئم کی شمولیت سے پاک بحریہ کی ڈریجنگ کی صلاحیت میں نمایاں اضافہ ہوگا۔ اپنے منفرد ڈیزائن اور کام کرنے کے طریقہ کار کی بدولت یہ ڈریجر برتھوں اور جیٹیز کے نزدیک ڈریجنگ کرسکتا ہے جہاں روایتی ڈریجنگ کے آلات اتنے موثر ثابت نہیں ہوتے۔

پاک بحریہ کا حربہ نیول کروز میزائل کا کامیاب مظاہرہ

واضح رہے کہ پاک بحریہ میں ڈریجر راہ کشا اوراسپلٹ ہوپر بارج ترسیل اول اور دوئم کی شمولیت پاک چین دفاعی تعاون کی ایک اور اہم علامت ہے جبکہ تقریب کے اختتام پر وائس چیف آف نیول وائس ایڈمرل کلیم شوکت نے اس منصوبے کو کامیاب بنانے میں تمام متعلقین کی لگن اور انتھک محنت کی تعریف کی اور انہیں مبارک باد بھی پیش کی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں