The news is by your side.

Advertisement

پاکستانی نوجوان وقاراحمد نے دنیا بھرمیں نیٹوکا منعقد کیا جانے والے مقابلہ جیت لیا

برسلز : پاکستانی نوجوان وقار احمد نے دنیا بھر میں نیٹو کا منعقد کیا جانے والا مقابلہ جیت لیا، مقابلے کا عنوان’’نیٹوکے بغیر دنیا کیسی ہے‘‘ تھا۔

تفصیلات کے مطابق کینیڈا میں مقیم پاکستانی نوجوان نے پاکستان کا نام فخر سے بلند کردیا، نیٹو کی جانب سے دنیا بھر کے نوجوانوں کے لئے آن لائن مقابلے کا انعقاد کیا گیا، مقابلےمیں دنیا بھر سے ہزاروں نوجوانوں نے ویڈیوز بنا کر مقابلے میں حصہ لیا۔

مقابلے کا عنوان’’نیٹو کے بغیر دنیا کیسی ہے‘‘ تھا، جو سرگودھا کے وقاراحمد کے نام رہا، پہلی پوزیشن آنے پر وقاراحمد کو نیٹو ہیڈکوارٹر برسلز مدعو کیا گیا اور ویڈیو کو نیٹو کے ہیڈکوارٹر میں دکھایا گیا۔

ویڈیوکو امریکی صدر ڈونلڈ ٹرمپ اور کینڈین وزیراعظم جسٹن ٹروڈو سمیت متعدد سربراہان نے دیکھا۔

وقاراحمد سوشل جسٹس ایجوکیشن میں پی ایچ ڈی کے طالب علم ہیں اور یوایس ایمبیسیڈر آنر ایوارڈ سمیت کئی اعزازات حاصل کرچکے ہیں۔

پاکستانی نوجوان وقار احمد نے اس کامیابی کو اپنی والدہ زہرا بيگم اور والد محمد اشرف رانجھا کے نام کردیا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں