The news is by your side.

Advertisement

اقتصادی راہداری پر وزرائے اعلیٰ کی اسٹیئرنگ کمیٹی تشکیل دینے پر اتفاق

اسلام آباد: اقتصادی راہداری پرسیاسی جماعتوں کے تحفظات دور کرنے کیلئے اجلاس ہوا، مشاورتی اجلاس میں سیاسی جماعتوں نے راہداری منصوبے کی حمایت کا اعلان کردیا ہے۔

اعلامیہ کے مطابق گلگت بلتستان اور چاروں صوبوں کے وزرائے اعلیٰ پر مشتمل اسٹیئرنگ کمیٹی بنانے کا فیصلہ ہوا، پانی وبجلی، مواصلات اور محکمہ منصوبہ بندی اورترقی کے وزیر کمیٹی کے رکن ہونگے۔ اجلاس میں فیصلہ کیا گیا کہ مغربی روٹ ترجیحی بنیادوں پر مکمل کیا جائے گااور روٹ کی نگرانی وزیراعظم خودکریں گے۔

اعلامیہ میں کہا گیا ہے کہ صنعتی پارکس کا قیام صوبوں کی مشاورت سے کیا جائے گا ، کانفرنس میں فیصلہ ہواکہ تمام وزرائےاعلیٰ ہرتین ماہ بعدراہداری منصوبے پرپیش رفت کاجائزہ لیں گے، تمام اکنامک زونز صوبوں کی مشاورت سےبنائے جائیں گے۔

اجلاس سے خطاب میں وزیراعظم نوازشریف کا کہنا تھا کہ راہداری منصوبے پر تمام سیاسی جماعتوں کے تحفظات دور کرینگے، منصوبہ پاکستان کی تقدیر کیلئے گیم چینجر ثابت ہوگا۔

اجلاس میں حکومتی وزراء چو ہدری نثار، اسحاق ڈار، پرویز رشید اور احسن اقبا ل شریک ہوئے جبکہ اپوزیشن اور دیگر سیاسی قائدین میں مولانا فضل الرحمن، محمود خان اچکزئی،میر حاصل بزنجو ، سراج الحق ،مشاہد حسین ، شاہ محمود قریشی ،اور و دیگر شریک ہو ئے۔

وزیر اعظم کیجانب سے بلا ئے گئے اس اجلاس میں قائد حزب اختلاف خورشید شاہ شریک نہیں ہو ئے ، خورشید شاہ نے عذر پیش کیا کہ انہیں اجلاس کی اطلاع تاخیر سے دی گئی، سینیٹر اعتزاز احسن نے اجلاس میں پیپلزپارٹی کی نمائندگی کی۔

Comments

comments

یہ بھی پڑھیں