The news is by your side.

Advertisement

پاک چین اقتصادی راہداری منصوبوں میں حائل رکاوٹیں دور کی جارہی ہیں، خسرو بختیار

اسلام ۤباد : وفاقی وزیر خسرو بختیار نے کہا ہے کہ سی پیک منصوبوں سے متعلق رکاوٹیں دور کی جارہی ہیں، اقتصادی راہداری سے پاکستان کی معاشی ترقی میں اضافہ ہوگا۔

ان خیالات کا اظہار انہوں نے تفصیلات کے مطابق سی پیک منصوبوں سے متعلق اجلاس سے خطاب کرتے ہوئے کیا، وفاقی وزیر برائے منصوبہ بندی اور ترقی و اصلاحات خسرو بختیار کی زیرصدارت اجلاس ہوا جس میں پاک چائنا اقصادی راہداری کے منصبوں کی رفتار کا جائزہ لیا گیا۔

اجلاس سے خطاب میں وفاقی وزیر کا کہنا تھا کہ حکومت سی پیک کے دائرہ کار کو وسعت دینے میں کامیاب رہی، منصوبہ پاکستان کی ترقی وخوش حالی کا ضامن ثابت ہوگا۔

حکومت سی پیک فریم ورک کے تحت فائدہ اٹھانے کے لئے پرعزم ہے۔ حکومت نے سی پیک پر تعمیری کام کی رفتار کو تیز کردیا ہے، منصوبوں سے متعلق رکاوٹیں دور کی جارہی ہیں۔

خسرو بختیار نے بتایا کہ سی پیک فریم ورک کا دوسرا مرحلہ شروع ہوچکا ہے، لوگوں کی فلاح وبہبود اور معاشی و اقتصادی فوائد پر حکومت کی توجہ مرکوز ہے۔

سی پیک کی تکمیل سے پاکستان کی معاشی ترقی میں اضافہ ہوگا، انہوں نے مزید کہا کہ گوادر ایسٹ بے ایکسپریس وے منصوبہ ایکنک ایجنڈے پر ہوگا، چین نے منصوبے کے لئے اضافی قرضوں کی تصدیق بھی کردی۔

خسرو بختیار نے مزید کہا کہ اقتصادی راہداری اہم منصوبہ ہے، حکومت نے سی پیک کے دائرے کو وسعت دی۔ دوسرےفیز میں سماجی ومعاشی ترقی اور غربت کاخاتمہ توجہ ہے۔

دوسرے فیز میں زراعت اور صنعتی تعاون پرتوجہ دی جائے گی، اسپیشل اکنامک زونزبرآمدات بڑھانے میں مدد گار ثابت ہوں گے۔

Comments

comments

یہ بھی پڑھیں