The news is by your side.

Advertisement

پاک چین اقتصادی راہداری کے منصوبے پر پیشرفت کا آغاز

اسلام آباد: پاک چین اقتصادی راہداری کے منصوبے پر پیشرفت کا آغاز ہوگیا ہے، اگلے چند ماہ کے دوران گوادر میں تین بڑے منصوبوں پر کام شروع ہوجائے گا۔

غیرملکی نشریاتی ادارے کوانٹرویو میں گوادر پورٹ اتھارٹی کے چیئرمین دوستین جمالدینی کا کہنا تھا کہ مشرقی ساحل کے ساتھ ایکسپریس وے کے منصوبے کے فنڈز مختص کر دیئے گئے ہیں اور اکتوبر تک ایکسپریس وے سمیت بین الاقوامی ہوائی اڈے کی تعمیر پر کام شروع ہو جائے گا۔

ان کا کہنا تھا کہ گوادر میں فری ٹریڈ زون کے قیام کے سلسلے میں بھی زمین حاصل کرلی گئی ہے، اسکی مارکیٹنگ بھی اسی سال شروع کردی جائےگی، دوستین جمالدینی کا کہنا تھاکہ اگلے برس کے اواخر تک گوادر کا ملک کے دیگر حصوں سے زمینی رابطہ مزید بہتر ہوجائے گا۔

انہوں نے واضح کیا گوادر کے ماسٹر پلان کے مطابق مقامی ماہی گیروں کو دوسری جگہ منتقل نہیں کیا جائے گا۔

Comments

comments

یہ بھی پڑھیں