The news is by your side.

Advertisement

پاک چائنہ فرینڈشپ ریلی دو دن لاہور میں قیام کے بعد ملتان کے لئے روانہ ہوگئی۔

لاہور : پاک چائنا دوستی ریلی دو دن لاہور میں قیام کے بعد ملتان کے لئے روانہ ہوگئی جہاں سے ریلی کراچی روانہ ہو جائے گی۔

تفصیلات کے مطابق لاہور کے مقامی ہوٹل سے صبح نو بجے کے قریب پاک چائنہ فرینڈشپ ریلی نے اپنے اگلے مرحلے کے سفر کا آغاز کردیا ہے اور لاہور میں دو دن قیام کے بعد ملتان کے لیے روانہ ہو گئے ہیں۔

لاہور میں اپنے دو دن قیام کے دوران شرکاء نے مختلف تاریخی مقامات کی سیر کی ریلی کی اور بعد ازاں اپنے اگلے سفر کی طرف روانہ ہو گئے، روانگی کے موقع پر پنجاب حکومت کی جانب سے سکیورٹی کے سخت انتظامات کیے گئے تھے،ریلی کے ساتھ ریسکیو کی گاڑیاں اور ایمبولینسز بھی موجود تھیں۔

اسی سے متعلق : پاک چین دوستی شہد سے زیادہ میٹھی ہے،پرویزرشید

ریلی ملتان کے بعد پاک چائنا اقتصادی راہداری کے ذریعے ملتان سے کراچی پہنچے گی اور وہاں سے اپنے اگلے سفر کی جانب روانہ ہو جائے گی،اس ریلی میں پاکستان اور چائنا کے پرچم بھی لہرائے گئے اور پاک چین دوستی زندہ باد کے نعرے لگائے گئے۔

واضح رہے دو روز قبل پاک چین سفارتی تعلقات کی 65 ویں سالگرہ کے موقع پر چین اور پاکستان کے کار سواروں کی ریلی کا انعقاد کیا گیا تھا جو سی پیک رُوٹ پر محو سفر ہو گی اور پاک چین اقتصادی راہداری کی اہمیت بھی اُجاگر ہوگی۔

Comments

comments

یہ بھی پڑھیں