پاک کالونی میں منشیات فروشوں میں تصادم ، فائرنگ سے 5 افراد ہلاک -
The news is by your side.

Advertisement

پاک کالونی میں منشیات فروشوں میں تصادم ، فائرنگ سے 5 افراد ہلاک

کراچی : اورنگی ٹاؤن اور پاک کالونی میں فائرنگ سے چھ افراد ہلاک ہوگئے، پاک کالونی میں منشیات فروشوں کے دو گروپوں میں مسلح تصادم سے تین افراد ہلاک ہوئے،اورنگی ٹاؤن الطاف نگر سے ایک شخص کی تشدد زدہ لاش ملی ۔

تفصیلات کے مطابق پاک کالونی کے علاقے گٹر باغیچہ کے قریب فائرنگ کا واقعہ پیش آیا ہے۔ ذرائع کے مطابق منشیات فروشوں کے دو گروپوں کے درمیان فائرنگ سے پانچ افراد ہلاک اور ایک شخص کے زخمی ہونے کی اطلاعات موصول ہوئی ہیں۔

فائرنگ سے علاقے میں خوف وہراس پھیل گیا لوگ اپنے گھروں میں محصور ہوگئے۔ تاحال وقفے وقفے سے فائرنگ کا سلسلہ جاری ہے، جبکہ رینجرز اور پولیس کی نفری کو بھی طلب کرلیا گیا ہے۔

ایس پی ساجد سدوزئی کے مطابق پولیس نے ہلاک ہونے والوں کی نعشوں کو سول اسپتال منتقل کردیا ہے، مزید تفتیش جاری ہے۔

دوسری جانب اورنگی ٹاؤن الطاف نگر سے ایک شخص کی تشدد زدہ لاش ملی ہے جسے فائرنگ کر کے ہلاک کیا گیا، تاہم ابھی تک مقتول کی شناخت نہیں ہوسکی

پولیس نے ضابطہ کی کارروائی کے بعد نعش کو مقامی اسپتال منتقل کر دیا ہے۔

بعد ازاں پولیس اور رینجرز نے علاقے میں سرچ آپریشن کیا اور جرائم پیشہ افراد کے ٹھکانوں کو مسمار کرکے ان کو آگ لگادی گئی۔

پولیس نے اس کارروائی کے دوران 50سے زائد ملزمان کو حراست میں لے لیا، پولیس کا کہنا ہے کہ زیرحراست افراد سے ملنے والی معلومات کی بنیاد پر علاقے میں موجود اہم ملزمان کی گرفتاری کے لئے کوششیں کی جائیں گی۔

 

Comments

comments

یہ بھی پڑھیں