site
stats
کھیل

اولڈ ٹریفورڈ معرکہ،یاسر شاہ ٹیم کا حصہ ہوں گے

مانچسٹر: پاکستان اور انگلینڈ اپنا دوسرا ٹیسٹ اولڈ ٹریفورڈ کے میدان میں کھیلنے جارہے ہیں جہاں سے پاکستان کی سنہری یادیں وابستہ ہیں،یاسر شاہ کندھے کی انجری کے باوجود ٹیم کا حسہ ہوں گے۔

پہلے ٹیسٹ کی فاتح پاکستان کرکٹ ٹیم فاتح الیون کے ساتھ میدان میں اترے گی،یاسر شاہ کی انجری کو لے کر خوش ہونے والی انگلینڈ ٹیم کے لیے میچ سے قبل پہلا جھٹکا اس خبر سے لگا کہ یاسر شاہ کل میدان میں اپنی گگلی اور لیگ بریک سے انگلش بلے بازوں کو پویلین کی راہ دکھانے میدان میں اتریں گے۔

پاکستان ٹیم کے منیجر انتخاب عالم نے میڈیا کو بتایا کہ یاسر شاہ کی انجری معمولی نوعیت کی ہے اس لیے یاسر شاہ کل ہونے والے میچ میں ٹیم کا حصہ ہوں گے .ٹیم کا مورال بلند ہے اور دوسرے ٹیسٹ کو جیتنے کے لیے بھی بھرپور تیاری کی ہے جب کہ قومی کرکٹ ٹیم کے کپتان مصباح الحق نے بھی یاسر شاہ کی ٹیم میں شمولیت پر اطمینان کا اظہار کرتے ہوئے جیت کے لیے پُرامید نظر آتے ہیں۔

یاسر شاہ سے پریشان انگلینڈ ٹیم نے سابق پاکستانی اسپینیر ثقلین مشتاق کی خدمات حاصل کرنے کا فیصلہ کیا ہے اور اُن سے یاسر شاہ کی تکنیک کو کاؤنٹر کرنے کے لیے مشاورت کی ساتھ انگلینڈ ٹیم جیمز اینڈرسن کی واپسی کے ساتھ دومزید تبدیلوں کے ساتھ میدان میں اتریں گے۔

یاسر شاہ نے اے آر وائی سے خصوصی بات کرتے ہوئے کہا کہ پریکٹس کے درمیان کندھے کی انجری کا شکار ہو گیا تھا تا ہم انجری کے باوجود کل کے میچ کے لیے پُر امید ہیں،انہوں نے کہا کہ ماہرین کا خیال ہے کہ اولڈ ٹریفورڈ کی پچ اسپین کرے گی تو میں اس سے بھرپور فائدہ اُٹھاؤں گا۔

آئیے دیکھتے ہیں کہ اس میدان میں اس سے قبل ہونے والے پاکستان اور انگلینڈ کے میچوں کے کیا نتائج رہے۔

اولڈ ٹریفورڈ میں پاکستان اور انگلینڈ کا ریکارڈ برابر ہے۔ دونوں ٹیموں نے 1، 1 میچ اپنے نام کیا ہے۔ 3 میچز ڈرا رہے۔

دوسرا ٹیسٹ: پاکستانی ٹیم مانچسٹر پہنچ گئی *

سال 2001 میں وقار یونس کی قیادت میں پاکستان نے گوروں کے ارمان ٹھنڈے کردیے تھے۔ بیٹنگ میں انضمام الحق کی سنچری نے جیت کی بنیاد رکھی تھی۔

دوسری اننگز میں بھی انضمام کی نصف سنچری نے پاکستان کی پوزیشن مضبوط بنادی تھی۔ بولنگ میں وسیم اکرم اور وقار یونس انگلش بلے بازوں کو نشانہ بنا رہے تھے۔

پاکستانی ٹیم کے اعزاز میں عشائیہ *

بیٹنگ اور بولنگ میں پاکستان کا پلڑا بھاری تھا۔ 2001 میں پاکستان نے انگلینڈ کو شکست دے کر تاریخ رقم کی تھی۔

پاکستان اس میدان میں آخری میچ 2001 میں جیتا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top