راولپنڈی: پاکستان کرکٹ ٹیم کے تینوں فارمیٹ کے کپتان بابر اعظم نے کہا ہے کہ کل سے سیریز شروع ہورہی ہے بہت اچھی تیاری ہے، ایک ہفتہ ٹیسٹ میچ کی تیاری کی ہے اس لیے مکمل تیار ہیں۔
بابر اعظم نے کرکٹ کے متوالوں کو پیغام دیا کہ پاکستان میں لوگ کرکٹ کو انجوائے کرتے ہیں شائقین سیریز دیکھنے اسٹیڈیم میں ضرور آئیں پاکستان اور انگلینڈ ٹیموں کو سپورٹ کریں۔
انکا کہنا تھا کہ پاکستانی ٹیم کے تینوں فارمیٹ میں کھیلنا میرے لیے فخر کی بات ہے، سینئر کھلاڑی محمد یوسف کافی تجربے کار ہیں ان سے بھرپور رہنمائی ملی ہے، ایسے تجربہ کار کھلاڑیوں سے کافی مدد ملتی ہے۔
ٹیم کے کپتان نے کہا کہ انگلینڈ مشکل ٹیم ہے اور جارحانہ کھیل رہے ہیں اس حساب سے ٹیسٹ اسکواڈ فائنل ہو چکا ہے لیکن شام یا کل تک کمبیشن سامنے آجائے گا۔
پچ کے حوالے سے بابر نے کہا کہ کینڈیشن دونوں ٹیموں کو سپورٹ کررہی ہے، پہلے فاسٹ بالرز اور پھر اسپینرز کو سامنے لایا جائے گا۔
بابر اعظم نے کہا کہ کھلاڑی کافی پرجوش ہیں یہ سیریز ہمارے لیے کافی اہم ہے، اس لیے کوشش ہے پانچ میں سے چار میچ لازمی جیتیں تاکہ ورلڈ کپ چمپین شپ میں جائیں۔
ٹیسٹ میچ کے حوالے سے انکا کہنا تھا کہ اس کی خوبصورتی یہی ہے اس میں سکون اور صبر کا امتحان ہوتا ہے، ٹیسٹ میچ کی صورتحال ایسی ہے کہ ایک سیشن میچ کو بدل سکتا ہے۔
بابر اعظم نے فاسٹ بولر کے بارے میں بات کرتے ہوئے کہا کہ جسطرح نسیم اور محمد علی بولنگ کررہے ہیں، پورا یقین ہے میرے فاسٹ بولرز اور سپینرز مجھے جتوائیں گیے۔
انہوں نے کہا کہ ہر گیم سے آپ بلکل سیکھتے ہیں پرفارمنس اوپر نیچے ہوتی رہتی ہے، ہمیں ابھی بہت کچھ سیکھنا ہے اور بہت کچھ کرنا ہے، غلطیاں ہم کرتے ہیں اور غلطیوں سے ہی سیکھتے ہیں
قومی کرکٹ ٹیم کے کپتان بابر اعظم کا کہنا تھا کہ میں یہ نہیں کہتا کہ کہ میں پرفیکٹ ہوں غلطیاں نہیں کرتا آپ اینڈ ڈاؤن کرکٹ میں چلتا ہے۔
