The news is by your side.

قومی فٹبال ٹیم کے لئے برازیلین کوچ سے معاہدہ کرنے پرغور

لاہور : پاکستان فٹ بال فیڈریشن کے صدر فیصل صالح حیات نے کہا ہے کہ قومی فٹبال ٹیم کے لئے برازیلین کوچ نیگورا سے معاہدہ کرنے پر غور کیا جارہا ہے، نیگورا برازیلین یوتھ ٹیم کے کوچ کی ذمہ داریاں نبھا چکے ہیں۔

ان خیالات کا اظہار انہوں نے لاہور میں پریس کانفرنس سے خطاب کرتے ہوئےکیا۔ فیصل صالح حیات کا کہنا تھا کہ خوشی کی  بات یہ ہے کہ فیفا نے پچھلے تین سالوں کے تین سے چار ملین ڈالر دینے کی حامی بھرلی ہے۔

اس کے علاوہ  سارک نے بھی ہمیں اگلے تین سالوں میں تین بڑے ایونٹ دیئے ہیں،انہوں نے بتایا کہ50 کروڑ روپے سے کھلاڑیوں اور آفیشلز کے لئے کام کئے جائیں گے۔

فیصل صالح حیات کا مزید کہنا تھا کہ نیشنل چیلنج کپ کی انعامی رقم 5 لاکھ سے بڑھا کر ساڑھے 25 لاکھ روپے کردی گئی ہے، قومی ٹیم ایشئین گیمز، سارک چیمپئن شپ اور اے ایف سی کوالیفائنگ راؤنڈ کھیلے گی۔

انہوں نے بتایا کہ کھلاڑیوں کا یومیہ معاوضہ سو ڈالر سے بڑھا کر دو سو ڈالر کر دیا گیا ہے ، فیصل صالح حیات کا کہنا تھا کہ نیشنل ٹیم کی تیاری میں غیر ملکی کوچ کی ضرورت محسوس ہو رہی ہے۔

قومی فٹبال ٹیم کے لئے برازیلین کوچ سے معاہدہ کرنے بارے سوچا جا رہا ہے، ہمارے پاس بے فٹبال کا پناہ ٹیلنٹ موجود ہے، ڈسٹرکٹس کے ساتھ مل کر فٹبال کے فروغ کے لئے کام کریں گے۔

Print Friendly, PDF & Email

Comments

comments

یہ بھی پڑھیں