The news is by your side.

Advertisement

یومیہ الاؤنسز سے محروم پاکستان ہاکی ٹیم نے ایشین گیمز کا بائیکاٹ کردیا

لاہور : پاکستان ہاکی ٹیم کے کھلاڑیوں نے احتجاجاً ایشین گیمز کا بائیکاٹ کردیا، ان کا کہنا ہے کہ جیب خالی ہو توکارکردگی کیسے دکھائیں؟ قوم کے سامنے شرمندہ ہونا نہیں چاہتے۔

تفصیلات کے مطابق پاکستان ہاکی ٹیم نے آئندہ ماہ انڈونیشیا میں ہونے والے ایشین گیمز کے بائیکاٹ کا اعلان کرتے ہوئے کہا ہے کہ کھلاڑی تا حال یومیہ الاؤنسز سے بھی محروم ہیں، پی ایچ ایف کے جھوٹے وعدوں اور اعلانات سے گھر کا چولہا نہیں جلا سکتے۔

ہماری جیبیں خالی ہوں گی تو پرفارمنس کیسے دیں گے؟ ان کا کہنا تھا کہ خراب کارکردگی سے قوم کے سامنے شرمندہ ہونا نہیں چاہتے۔

واضح رہے کہ اٹھارویں ایشین گیمز آئندہ ماہ انڈونیشیا میں 18 اگست سے منعقد ہوں گے جو جکارتہ اور پالمبنگ میں 2 ستمبر تک جاری رہیں گے، میگا ایونٹ کی تیاری کیلئے تربیتی کیمپ کراچی میں لگا ہوا ہے۔

پی ایچ ایف کی ناقص حکمت عملی کے باعث ہاکی کھلاڑیوں کو ان کے واجبات تک ادا نہیں کیے گئے ہیں، حکومت کی جانب سے گرانٹ نہ ملنے کی وجہ سے قومی پلیئرز کو گزشتہ ماہ ہالینڈ میں شیڈول چیمپئنز ٹرافی کی دو کروڑ روپے کی ادائیگیاں نہیں کی جاسکی ہیں۔

قومی ہاکی ٹیم کی ناقص کارگردگی، نگراں حکومت نے پی ایچ ایف کی گرانٹ روک لی

سابق وزیر اعظم شاھد خاقان عباسی نے پی ایچ ایف کیلئے18کروڑ روپے کی خصوصی گرانٹ جاری کرنے کے احکامات دیئے تھے، جسے موجودہ نگراں حکومت نے روک دیا تھا۔

پاکستان ہاکی فیڈریشن کھلاڑیوں کی مقروض


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں