The news is by your side.

Advertisement

قومی ہاکی ٹیم کی ناقص کارگردگی، نگراں حکومت نے پی ایچ ایف کی گرانٹ روک لی

اسلام آباد : ہاکی چیمپینز ٹرافی میں قومی ٹیم کی مایوس کن کارکردگی پر نگران حکومت نے سختی سے نوٹس لیتے ہوئے پی ایچ ایف کی 20کروڑ روپے کی اسپیشل گرانٹ روک لی۔

تفصیلات کے مطابق قومی ہاکی ٹیم کی حالیہ ہاکی چیمپینز ٹرافی میں انتہائی ناقص کارکردگی کا نگراں حکومت نے سختی سے نوٹس لیا ہے، نگران حکومت نے پاکستان ہاکی فیڈریشن کو دی جانے والی20کروڑ روپے کی اسپیشل گرانٹ روکنے کا فیصلہ کیا ہے، مذکورہ اسپیشل گرانٹ جاری کرنے کی منظوری سابق وزیراعظم شاہد خاقان عباسی نے دی تھی۔

واضح رہے کہ قومی ہاکی ٹیم بریڈا میں جاری چیمپئنز ٹرافی ہاکی ٹورنامنٹ میں راؤنڈ لیگ کے آخری میچ میں بیلجیئم سے شکست کے بعد خراب کارکردگی کے باعث میڈل کی دوڑ سے آؤٹ ہوئی۔

پاکستان کو بھارت، ہالینڈ، آسٹریلیا اور بیلجیم کے ہاتھوں بد ترین شکست کا سامنا کرنا پڑا، دس لاکھ سے زائد ماہانہ تنخواہ لینے والے ڈچ کوچ بھی ٹیم کی بہتر کارگردگی کیلئے کوئی قابل ذکر کردار ادا نہ کر سکے۔

دوسری جانب پاکستان ہاکی فیڈریشن مال مفت دل بے رحم کے مصداق قومی خزانہ لٹانے میں مصروف عمل ہے، اس حوالے سے ذرائع کا کہنا ہے کہ پاکستان ہاکی فیڈریشن کے سیکریٹری شہباز سینئر غیر ملکی سیر سپاٹوں میں مگن ہیں۔

مزید پڑھیں: ہاکی چیمپئنز ٹرافی ، بیلجیئم نے پاکستان کو دو کے مقابلے میں چار گول سے ہرادیا

اس کے علاوہ پاکستان اسپورٹس بورڈ نے بھی ہاکی فیڈریشن کی ناقص کارکردگی پر جواب طلبی کرنے کا فیصلہ کیا ہے، یاد رہے کہ سال2014میں پاکستان ٹیم نے چیمپپنز ٹرافی میں سلور میڈل جیتا تھا، جبکہ 2012چیمپینز ٹرافی میں برونز میڈل پاکستان کے نام رہا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں