بھارت کے ساتھ مالی تنازعہ، پی سی بی نے آئی سی سی کو تحریری جواب جمع کرا دیا -
The news is by your side.

Advertisement

بھارت کے ساتھ مالی تنازعہ، پی سی بی نے آئی سی سی کو تحریری جواب جمع کرا دیا

اسلام آباد: بھارت کے ساتھ کرکٹ سیریز کے مالی تنازعے پر پاکستان کرکٹ بورڈ نے انٹرنیشنل کرکٹ کونسل (آئی سی سی) کو اپنا تحریری جواب جمع کرا دیا۔

تفصیلات کے مطابق پاک بھارت کرکٹ سیریز مالی تنازعے پر پی سی بی نے آئی سی سی کو تحریری جواب جمع کرا دیا، پی سی بی کا مؤقف ہے کہ بھارتی بورڈ کے معاہدے کی خلاف ورزی سے بورڈ کو مالی نقصان ہوا ہے۔

پی سی بی کا جواب سو سے زائد صفحات پر مشتمل ہے

پاکستان کرکٹ بورڈ نے آئی سی سی کو تحریری جواب میں کہا ہے کہ بھارت کے ساتھ معاہدے میں حکومتی اجازت سے متعلق کوئی شرط نہیں تھی۔

پی سی بی کا جواب سو سے زائد صفحات پر مشتمل ہے، پاک بھارت سیریز کیس کی زبانی بحث تین اکتوبر کو ختم ہوئی تھی اور آئی سی سی نے دس روز میں تحریری جواب جمع کرانے کی ہدایت کی تھی۔

واضح رہے کہ پاک بھارت معاہدہ 2014 میں ہوا تھا جس کے تحت دونوں ممالک میں 6 سیریز ہونے تھے، بھارتی بورڈ نے ایک بھی سیریز نہ کھیلی جس پر پی سی بی کی جانب سے 70 ملین ڈالرز ہرجانے کا کیس کیا گیا تھا۔


یہ بھی پڑھیں:  پاک بھارت کرکٹ قانونی جنگ، سماعت کا آغاز، نجم سیٹھی بطور گواہ پیش


دونوں بورڈز کے درمیان معاملہ بات چیت سے بھی حل نہ ہوا، جس کے بعد پی سی بی معاملے کو آئی سی سی کی ڈسپیوٹ ریزولشن کمیٹی کے پاس لے گیا، جو اب کیس کا حتمی فیصلہ کرے گی۔

Comments

comments

یہ بھی پڑھیں