The news is by your side.

Advertisement

پاک بھارت کرکٹ، گیند بھارتی بورڈ کے کورٹ میں ہے، نجم سیٹھی

لاہور: چیئرمین پی سی بی نجم سیٹھی نے کہا ہے کہ میں سمجھتا ہوں کہ برف پگھلنے کے قریب ہے، پاک بھارت کرکٹ کے بارے میں گیند اب بھارتی بورڈ کے کورٹ میں ہے۔

ان خیالات کا اظہار انہوں نے کولکتہ میں میڈیا سے گفتگو کرتے ہوئے کیا، نجم سیٹھی نے کہا کہ دونوں ملکوں کو شائقین کے لیے کھیلنا ہوگا، حیران ہوں بھارتی میڈیا اپنی حکومت پر دباؤ کیوں نہیں ڈالتا ہے۔

چیئرمین پی سی بی نے کہا کہ دونوں کرکٹ بورڈ کے تعلقات بہترین ہیں، معاملات طے ہونے کے بعد ہی عالمی کرکٹ کے شیڈول پر دستخط کریں گے، آئی سی سی کے فیصلے کے بعد نئی حکمت عملی کا پتہ چلے گا۔

نجم سیٹھی نے کہا کہ پاک بھارت سیریز نہ ہونے سے 70 ملین ڈالرز کا نقصان ہوا ہے، بھارت کو معاہدے کی پاسداری کرنی چاہئے تھی، اگر نہیں تو نقصان پورا کریں۔

انہوں نے کہا کہ پاک بھارت کرکٹ سیریز کا معاملہ اب انٹرنیشنل کرکٹ کونسل میں ہے، آئی سی سی کے فیصلے کے بعد نئی حکمت عملی کا پتہ چلے گا، فیصلہ ہمارے حق میں آیا تو بھارت کا ایف ٹی پی پروگرام تبدیل ہوگا۔

مزید پڑھیں: فواد عالم کو ٹیم میں شامل نہ کرنے پر کچھ نہیں کہہ سکتا، نجم سیٹھی

واضح رہے کہ نجم سیٹھی کا کہنا تھا کہ بھارت کے خلاف مقدمے پر آئی سی سی میں سماعت ہورہی ہے، بھارت کے خلاف دائر مقدمے پر بات کرنے کی اجازت نہیں ہے، مقدمے کا امید ہے اکتوبر تک فیصلہ ہوجائے گا۔

ان کا کہنا تھا کہ اس سال مزید کسی انٹرنیشنل ٹیم کے پاکستان آنے کے امکانات نہیں ہیں، اگلے 12 ماہ میں قومی کرکٹ ٹیم بیرون ملک ایونٹس میں مصروف ہوگی، 2019 میں ہوم سیریز کے لیے پر امید ہوں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں