The news is by your side.

Advertisement

بھارت کی جانب سے پاکستان کو سیف گیمز میں شرکت کی دعوت

لاہور : بھارتی اولمپک ایسوسی ایشن کے چار رکنی وفد نے سائوتھ ایشین گیمز کے سلسلہ میں پاکستان اولمپک ایسوسی ایشن کے عہدیداروں سے ملاقات کی۔

ملاقات کے بعد لاہور میں پریس کانفرنس کرتے ہوئے بھارتی اولمپک ایسوسی ایشن کے سیکرٹری راجیو مہتہ کا کہنا تھا کہ بھارت میں ہونے والے کسی بھی ایونٹ میں پاکستان کی نمائندگی کے بغیر ایونٹ ادھورا رہتا ہے۔

اسی لئے بھارتی وفد خود دعوت دینے یہاں آیا ہے۔ انہوں نے کہا کہ پاکستانی دستے کو فول پروف سیکیورٹی فراہم کی جائے گی جبکہ پاکستانی دستے کو خصوصی چارٹرڈ طیارے کے ذریعے گوہاٹی لے جانے کے انتظامات بھی کئے جا رہے ہیں۔

پی او اے کے صدر عارف حسن نے کہا کہ پاکستان کا سیکیورٹی وفد بھارت کا دورہ کرے گا۔ جس کے بعد حکومت سے دورے کی اجازت مانگی جائے گی۔

Comments

comments

یہ بھی پڑھیں