The news is by your side.

Advertisement

سیکرٹری خارجہ مذاکرات پٹھان کوٹ حملے کی تحقیقات سےمشروط نہیں، بھارتی ہائی کمشنر

اسلام آباد: بھارتی ہائی کمشنرگوتم بمباوالے کہتےہیں پاک بھارت سیکرٹری خارجہ ملاقات پٹھانکوٹ حملےکی تحقیقات میں پیشرفت سے مشروط نہیں۔

اسلام آباد میں پاک بھارت تجارت کےحوالے سے ہونے والے سیمینارمیں بھارتی ہائی کمشنرگوتم بمباوالے نے کہا کہ دونوں ممالک کے قومی سلامتی مشیران پٹھانکوٹ حملے کی تحقیقات کےحوالے سے رابطے میں ہیں، سیکرٹری خارجہ کی ملاقات کیلئے دونوں حکومتوں میں رابطہ ہےملاقات جلدہو گی۔

ایک سوال کے جواب میں انہوں نے کہا پاکستانی ہائی کمشنر عبدالباسط کے سیاچن سے متعلق بیان پر تبصرہ نہیں کروں گا۔

گوتم بمباوالے نے کہا پاکستان اور بھارت کے درمیان تجارت کو فروغ دینے کی ضرورت ہے، تجارت بڑھنے سے دونوں ممالک کے درمیان اعتماد بحال ہوگا، تجارت بڑھانے کے لئے ویزا عمل آسان بنانا ہوگا۔

بھارتی ہائی کمشنر کا کہنا تھا پاکستان اور افغانستان کےتعلقات پر بھارت کو کوئی اعتراض نہیں۔

Print Friendly, PDF & Email

Comments

comments

یہ بھی پڑھیں