The news is by your side.

Advertisement

پاک بھارت آبی تنازع، آئندہ ماہ مذاکرات ہوں گے

بھارتی آبی ماہرین کا وفد مارچ میں پاکستان کا دورہ کرے گا جس میں دونوں ملکوں کے مابین آبی تنازع پر 2 روزہ مذاکرات ہوں گے۔

اے آر وائی نیوز کے مطابق بھارتی آبی ماہرین کا وفد آئندہ ماہ مارچ میں پاکستان کا دورہ کرے گا، دونوں ملکوں کے مابین آبی تنازع پر 2  روزہ مذاکرات لاہور میں ہوں گے۔

بھارتی 7 رکنی وفد کی قیادت پی کے سکسینا کریں گے جب کہ پاکستانی وفد کی قیادت کمشنر انڈس واٹر کمیشن مہر علی شاہ کریں گے۔

ذرائع کے مطابق مذاکرات کے دوران دریائےسندھ پربھارت کی جانب سے6 ہائیڈرو پاور پراجیکٹس کی تعمیرپراعتراض اٹھایا جائیگا۔

مجوزہ منصوبوں پر پاکستان کے علاوہ چین بھی اعتراض اٹھا چکا ہے۔

واضح رہے کہ پاک بھارت آبی تنازع پر دونوں ممالک کے درمیان اس سے قبل بھی کئی مذاکرات ہوچکے ہیں۔

گزشتہ سال پاکستان انڈس واٹر کمشنر سید مہر علی شاہ نے کہا تھا کہ بھارت سے پانی معاملات پر ڈیڈلاک ختم ہوگیا ہے اور بات چیت جاری ہے، بھارتی انڈس واٹر کمیشن کا وفد جلد پاکستان کا دورہ کرے گا۔

مزید پڑھیں: پاک بھارت آبی تنازعات پر برف پگھلنے لگی، ڈیڈلاک ختم، بات چیت جاری

Comments

یہ بھی پڑھیں