The news is by your side.

Advertisement

پاک بھارت آبی تنازع، مذاکرات کل ہوں گے

پاکستان اور بھارت کے مابین آبی تنازع پر مذاکرات کل وفاقی دارالحکومت اسلام آباد میں ہونگے، دس رکنی بھارتی وفد آج لاہور پہنچے گا۔

اے آر وائی نیوز کے مطابق پاک بھارت آبی تنازعات پرمذاکرات کل وفاقی اسلام آباد میں ہوں گے، مذاکرات کے لیے 10رکنی بھارتی آبی ماہرین کاوفد آج واہگہ کےراستےلاہورپہنچ رہا ہے۔

مذاکرات میں پاکستان کی نمائندگی انڈس واٹر کمیشن کے کمشنر مہر علی شاہ کریں گے جب کہ بھارتی وفدکی قیادت پی کےسکسینا کریں گے۔

ذرائع کے مطابق پاکستان کی جانب سے بھارتی آبی منصوبوں پراعتراضات کےبعد یہ پہلااجلاس ہوگا۔

اس حوالے سے کمشنر انڈس واٹر کمیشن مہر علی شاہ نے بتایا کہ پاکستان کو دریائے چناب پر کیرو ہائیڈرو پاورپراجیکٹ ڈیزائن پراعتراض ہے اس کے علاوہ مقبوضہ کشمیرمیں دریائے پونچھ پر مانڈی پروجیکٹ پربھی اعتراض ہے۔

مہرعلی شاہ کے مطابق دریائے سندھ پر24میگاواٹ کےنیموں چلنگ کےڈیزائن پر بھی اعتراض ہے اور مذاکرات کے دوران ہم دریائے سندھ پرٹربوک شیوک منصوبے کےڈیزائن پراعتراض اٹھائیں گے۔

کمشنر انڈس واٹر کمیشن نے مزید بتایا کہ مذاکرات میں 25 میگاواٹ کےہنڈررمان، دریائے سندھ پرسانکو ہائیڈرو پاور پراجیکٹ اور19 میگا واٹ کےمینگڑم سانگرا پربھی اعتراضات اٹھائے جائیں گے۔

انڈس واٹر کمشنر کے مطابق بھارتی وفد مذاکراتی اجلاس کے بعد 4مارچ کو واپس بھارت روانہ ہوجائےگا۔

Comments

یہ بھی پڑھیں