The news is by your side.

Advertisement

پاک بحریہ نےامن مشقوں کے لیے تیارکردہ گانے کا ٹیزرجاری کردیا

کراچی: پاک بحریہ نے کثیر الملکی بحری مشق ’امن 2019‘ کے موقع پر تیار کردہ خصوصی نغمے کا ٹیزر جاری کردیا ہے، مشقوں میں45 ممالک شریک ہوں گے۔

تفصیلات کے مطابق پاک بحریہ کی جانب سے امن 2019 ،مشقوں کے لیے ایک خصوصی نغمہ ’امن کی تیاری‘ جاری کیا ہے۔ یہ نغمہ اردواورانگریزی زبان میں گایا گیا ہے۔

 ترجمان پاک بحریہ کے مطابق اس خصوصی نغمے  کی ویڈیو میں امن کے قیام کے لیے پاک بحریہ کی کاوشوں کی عکاسی کی گئی ہے۔نغمے میں دیگر بحری افواج کا قیام امن کے لئے پاک بحریہ کا ساتھ دینے کو بھی خراج تحسین پیش کیا گیاہے۔

یاد رہے کہ کثیرالملکی بحری مشق امن میں 45 ممالک اپنے اثاثہ جات اور مندوبین کے ساتھ شرکت کر رہے ہیں، یہ مشقیں سنہ 2007 سے منعقد کی جارہی ہیں اور پہلی باراس میں اتنے وسیع پیمانے پر ممالک حصہ لے رہے ہیں ۔

اسی تناظر میں جاپانی بحریہ کی میری ٹائم فورس برائے اینٹی پائریسی کے دو  پی سی تھری  جہازوں نے قبل از امن تیاری اور مشترکہ مشقوں کے لئے پی این ایس مہران کا دورہ کیا تھا۔

پاک بحریہ میری ٹائم سرحدوں کی دفاع سے لے کر گہرے سمندروں میں انسانی ہمدردی کی بنیاد پر مدد فراہم کرنے تک، قومی اثاثوں کی حفاظت سے لےکرعلاقائی اشتراک تک اور علاقائی بحری سکیورٹی گشت سے لے کرعالمگیر شراکت داری تک ہمیشہ پیش پیش رہی ہے ۔

پاک بحریہ کے ترجمان کا مزید کہنا تھا کہ یہ مشق میری ٹائم تعاون کو مستحکم کرنے، محفوظ میری ٹائم ماحول کو فروغ دینے اور علاقائی اور عالمی بحری امن و استحکام کے قیام میں اہم کردار ادا کرے گی۔

Comments

comments

یہ بھی پڑھیں