site
stats
سندھ

پاک نیوی نے شمالی بحیرہ عرب کو بحری قزاقوں سے پاک کردیا،ریئرایڈمرل کلیم شوکت

کراچی : پاک بحریہ کی سی اسپارک مشقوں کا آغاز اٹھائیس اکتوبر سے ہوچکا ہے، پاک بحریہ کے ڈپٹی چیف آف نیول اسٹاف آپریشن ریئر ایڈمرل کلیم شوکت کا کہنا ہے کہ نارتھ عربین سی پاک نیوی کی کوششوں سے بحری قزاقوں سے پاک ہوچکا ہے جس کے ذریعے پاکستانی برآمدات دو ارب تک بڑھائے جاسکتی ہیں۔

کراچی میں نیول ہیڈ کوارٹرمیں پریس کو بریفنگ دیتے ہوئے ریئرایڈمرل کلیم شوکت نے بتایا کہ سی اسپارک مشقوں میں پاک فضائیہ اور آرمی کے ایئر ڈیفنس بھی شریک ہیں۔

سی اسپارک مشقوں کا مقصد اپنی صلاحیتوں کا جائزہ لینا اور مستقبل میں آنے والے چیلنجز سے نمٹنے کیلئے تیاریاں مقصود ہیں۔

گوادر پورٹ اور پاک چائنا اقتصادی راہداری کو تحفظ دینا مشقوں کی پہلووں میں شامل ہے، انہوں نے کہا کہ گہرے پانی میں کام کرنے کی صلاحیت رکھتے ہیں۔

ایک سوال کے ججواب میں انہوں نے کہا کہ فیری سروس کا آغاز خوش آئند ہے، مکمل تحفظ دیں گے،دفاعی ضروریات کیلئے درکار سامان روس سمیت جہاں سے ملا حاصل کرلیں گے۔

چائنا کے تعاون سے میزائل بوٹ اور سب میرین فلیٹ ٹینکر مقامی طور پر تیار کیاجارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top