The news is by your side.

Advertisement

پاک بحریہ کے جہازوں کی اماراتی نمائش میں شرکت

کراچی: پاک بحریہ کے د و جہاز پی این ایس طارق اور پی این ایس ہمت دفاعی نمائش میں شرکت کرنے کے لیے متحدہ عرب امارات کا دورہ کررہے ہیں۔

ترجمان کے مطابق پاک بحریہ کے جہازوں نے بین الاقوامی بحری دفاعی نمائش میں شرکت کی اورباہمی مشق نصل البحرمیں بھر پورحصہ لیا ۔مشق کے دوران مختلف جنگی مہارتوں اور میری ٹائم سکیورٹی آپریشنز کا عملی مظاہرہ کیا گیا۔

پاک بحریہ کے وائس ایڈمرل عبدالعلیم نے فلیٹ کمانڈر یو اے ای نیول فورسز کے ساتھ پی این ایس طارق سے مشق کا مشاہدہ کیا ۔دورے کے دوران پاکستان نیوی کے وائس ایڈمرل عبدالعلیم نے یو اے ای نیول فورسز کے ڈپٹی کمانڈرسے بھی ملاقات کی۔

ملاقات کے دوران باہمی دلچسپی کے پیشہ ورانہ امور اور دوطرفہ دفاعی تعاون پر تبادلہ خیال کیا گیا ۔

دونوں ممالک کے ان اہم بحری حکام کے درمیان ہونے والی اس مختلف ممالک کے سفارت کاروں ، یو اے ای کے عسکری اور سول حکام اورپاکستان کی دفاعی پیداور کی وزیر محترمہ زبیدہ جلال نے بھی پاک بحریہ کے جہازوں کا دورہ کیا۔ ترجمان کا کہنا ہے کہ پاکستان نیوی کے جہازوں کے اس دورے سے دونوں ممالک کے درمیان برادرانہ تعلقات کو مزید فروغ ملے گا۔

Comments

comments

یہ بھی پڑھیں