تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

محکمہ ریلوے میں مالی بحران سر اٹھانے لگا، تنخواہیں تاخیر کا شکار

لاہور: 13 روز سے معطل ٹرین آپریشن کی وجہ سے محکمہ ریلوے میں مالی بحران سر اٹھانے لگا ہے۔

میڈیا رپورٹ کے مطابق ملک کے مختلف حصوں میں سیلاب کی وجہ سے ریلوے کا انفرا اسٹرکچر بری طرح متاثر ہوا ہے، جس کے باعث 13 دن سے مسافر ٹرین آپریشن بند ہے۔

محکمہ ریلوے کو پہلے ہی اربوں کے نقصان کا سامنا ہے اور اب ٹرین آپریشن معطلی کی وجہ سے اس میں مزید اضافہ ہورہا ہے اور مالی بحران سر اٹھانے لگا ہے۔

محکمہ ریلوےمیں مالی بحران کی وجہ سے تنخواہوں کی ادائیگی میں تاخیر ہورہی ہے، کراچی ڈویژن میں تاحال کسی ریلوے ملازم کو تنخواہ نہیں ملی۔

تنخواہوں کی عدم ادائیگی پر ملازمین نے ڈویژنل اکاؤنٹس آفیسر کے آفس کا گھیراؤ کیا ہے اور تنخواہ دینے کا مطالبہ کیا ہے، دوسری جانب کلرک اسٹاف ایسوسی ایشن نے تنخواہوں کی عدم ادائیگی پر کل سے قلم چھوڑ ہڑتال کا اعلان کردیا ہے۔

Comments

- Advertisement -