site
stats
سندھ

لندن میں بانی متحدہ کی رہائش گاہ پر پی ایس پی کارکنا ن کا مظاہرہ

لندن : پی ایس پی کارکنان نے بانی ایم کیوایم کی رہائش گاہ کے باہر احتجاجی مظاہرہ کیا، مظاہرے کی قیادت پی ایس پی رہنما رضاہارون نے کی، رہنما ایم کیو ایم لندن مصطفیٰ عزیز آبادی ودیگر نے مظاہرین کی ویڈیو بھی بنائی۔

تفصیلات کے مطابق کراچی میں گزشتہ دنوں پی ایس پی کے دو کارکنان کی ٹارگٹ کلنگ اور پاکستان مخالف تقاریر کیخلاف پاک سرزمین پارٹی کے معدد رہنماؤں اور درجنوں کارکنان نے لندن میں متحدہ بانی کی رہائش گاہ کے باہر مظاہرہ کیا۔

اس موقع پر مظاہرین نے پلے کارڈزاٹھا رکھے تھے جن پر کراچی میں حالیہ ٹارگٹ کلنگ اور نہتے بے گناہ شہریوں کی جانوں کے نقصان پر انصاف کی فراہمی کا مطالبہ کیا گیا۔

مظاہرے سے خطاب کرتے ہوئے رضاہارون نے کہا کہ شہر قائد میں معصوم لوگوں کو قتل کیا جا رہا ہے لیکن ہم یہ باور کرانا چاہتے ہیں کہ ہم کسی سے ڈرنے والے نہیں۔


مزید پڑھیں: فاروق ستارنے بانی ایم کیوایم کو دوبارہ زندہ کیا، مصطفیٰ کمال


انہوں نے کہا کہ برطانیہ کی سزرمین دہشت گردی کے لئے استعمال نہیں ہونے دیں گے اور پاک سرزمین پارٹی کراچی میں دہشت گردی کے خلاف دیوار بن کر کھڑی ہو گی۔

علاوہ ازیں پی ایس پی کے تحت مظاہرے کے موقع پر ایم کیو ایم لندن کے رہنما مصطفیٰ عزیز آبادی اوردیگر نے مظاہرین کی ویڈیو بھی بنائی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top