The news is by your side.

Advertisement

باغ جناح انتظامیہ کا پاک سرزمین پارٹی کو جلسے کی اجازت دینے سےانکار

کراچی: پاک سرزمین پارٹی کو متعلقہ انتظامیہ نے باغ جناح میں جلسے کی اجازت دینے سے انکار کردیا، درخواست واپس کردی گئی۔

تفصیلات کے مطابق قائد اعظم مینجمنٹ بورڈانتظامیہ نے چوبیس اپریل کو مزار قائد کے احاطے باغ جناح میں پاک سرزمین پارٹی کو جلسے کی اجازت دینے سے معذرت کرلی ہے ۔

قائد اعظم مینجمنٹ بورڈانتظامیہ کے مطابق سیکیورٹی خدشات کے پیش نظرپاک سر زمین پارٹی کو جلسے کی اجازت نہیں دی جاسکتی۔

پاک سرزمین پارٹی کی جانب سے چوبیس اپریل کو جلسے کیلئے تحریری درخواست جمع کرائی تھی ، قائد اعظم مینجمنٹ بورڈانتظامیہ نے معذرت کرتے ہوئے تحریری درخواست واپس کردی ہے۔

کراچی کے سابق ناظم سید مصطفیٰ کمال نے گزشتہ ماہ ایم کیوایم سے علیحدگی اختیار کرکے 23 مارچ کو پاک سرزمین پارٹی کے قیام کا اعلان کیا تھا۔
پارٹی کے قیام کے اعلان کے بعد کراچی میں جلسہ کرنے کا بھی اعلان کیا گیا تھا تاہم باغ جناح انتظامیہ کی جانب جلسے کی اجازت دینے سےانکارکردیا گیا ہے۔

Print Friendly, PDF & Email

Comments

comments

یہ بھی پڑھیں