The news is by your side.

پاکستان کرکٹ ٹیم نے ڈھاکہ میں ایشیا کپ کی تیاریوں کا آغاز کردیا

ڈھاکہ: پاکستان کرکٹ ٹیم نے ڈھاکہ میں ایشیا کپ کی تیاریوں کا آغاز کردیا، گرین شرٹس کا پہلا میچ ہفتے کو روایتی حریف بھارت سے ہوگا۔

ایشیا کپ میں پاکستان کا پہلا میچ ہی ڈو اینڈ ڈائی ہوگا، اس بار چنگاری ڈھاکہ کے میدان میں بھڑکے گی، ستائیس فروری کو دنیائے کرکٹ کے دو بڑے حریفوں کے درمیان اعصاب شکن مقابلہ ہوگا۔

پاک بھارت سنسنی خیز ٹاکرے میں شائقین کے جذبات ہائی ہوں گے، دھڑکنیں بھی تیز ہوں گی، کھلاڑیوں نے ڈھاکہ میں انٹری دینے کے بعد ایشیا کپ ٹی ٹوئنٹی کی تیاریوں کا آغاز کردیا ہے۔

ایونٹ میں قومی ٹیم دوسرا میچ انتیس فروری کو متحدہ عرب امارات، دو مارچ کو بنگلہ دیش اور چار مارچ کو سری لنکا کے خلاف کھیلے گی۔

Print Friendly, PDF & Email

Comments

comments

یہ بھی پڑھیں