The news is by your side.

Advertisement

پاکستان سری لنکا ون ڈے سیریز، طلبا کے لیے مفت میچ دیکھنے کا موقع

کراچی: پاکستان اور سری لنکا کے درمیان کل سے شروع ہونے والی ون ڈے سیریز میں طلبا مفت میچ دیکھ سکیں گے، سیکریٹری تعلیم سندھ کی ہدایت پر نوٹیفکیشن جاری کردیا گیا ہے۔

تفصیلات کے مطابق پاکستان اور سری لنکا کے درمیان تین میچوں کی ون ڈے سیریز کا پہلا میچ کل نیشنل اسٹیڈیم کراچی میں کھیلا جائے گا، ہر سرکاری کالج سے 20 طلبا نیشنل اسٹیڈیم میں مفت میچ دیکھ سکیں گے۔

رپورٹ کے مطابق ون ڈے سیریز کے تینوں میچ کالج کے طلبا مفت دیکھ سکیں گے، سرکاری کالجوں کے طلبا کو نیشنل اسٹیڈیم بھیجنے کی ہدایت کردی گئی ہے۔

ڈائریکٹر کالجز کا کہنا ہے کہ طلبا کو اسٹیڈیم لانے اور واپس لے جانے کی ذمہ داری کالج انتظامیہ کی ہوگی، کالجوں کے طلبا کے لیے مظہر محمود کو فوکل پرسن نامزد کیا ہے۔

مزید پڑھیں: کپتان سرفراز احمد کس نمبر پر بیٹنگ کریں گے؟

واضح رہے کہ سری لنکن ٹیم 10 سال کے بعد کراچی آئی ہے۔ مہمان ٹیم کے لیے سیکیورٹی کے فول پروف انتظامات کئے گئے ہیں۔

دونوں ٹیموں کے درمیان تین ون ڈے انٹرنیشنل میچوں کی سیریز کا پہلا میچ (کل) جمعہ کو کھیلا جائے گا، دوسرا ون ڈے میچ 29 ستمبر کو کھیلا جائےگا جبکہ تیسرا اور آخری ون ڈے میچ 2 اکتوبر کو کھیلا جائےگا۔

ون ڈے سیریز کے تینون میچز کراچی میں کھیلے جائینگے اور تینوں میچز ڈے اینڈ نائٹ ہوں گے۔ اس کے بعد دونوں ٹیموں کے درمیان تین ٹی ٹونٹی انٹرنیشنل میچوں کی سیریز کا آغاز 5 اکتوبر کو ہوگا۔

Comments

comments

یہ بھی پڑھیں