site
stats
اہم ترین

پاکستان نے کویت کے ساتھ ویزا معاہدہ ختم کردیا

اسلام آباد: پاکستان نے کویت کے ساتھ سفارتی اور سرکاری پاسپورٹس کے حامل افراد کے لیے ویزے کی شرط کے خاتمے کا معاہدہ معطل کر دیا ہے۔

وفاقی وزیر داخلہ کی جانب سے جاری ہونے والے بیان میں کہا گیا ہے کہ پاکستان اور کویت کے درمیان ہونے والے ویزا معاہدے کی کویت کی جانب سے پاسداری نہیں کی جارہی ہے ۔ انکا کہنا تھا کہ معاہدے کی پابندی دونوں فریقین کی جانب سے نہایت ضروری ہے۔

وزیرِ داخلہ نے کہا کہ ویزے کے معاہدے سرکاری حکام کے لیے سفر آسان بنانے کی نیت سے کیے جاتے ہیں اور کویت سے کیا جانے والا معاہدہ پاکستان کے لیے فائدہ مند ثابت نہیں ہو رہا تھا۔

پاکستان اور کویت کے حکام نے نومبر سنہ 2013 میں اس معاہدے پر دستخط کیے تھے جس کے تحت دونوں ممالک کے سفارتی، خصوصی یا سرکاری پاسپورٹ رکھنے والے افراد کو ایک دوسرے کے ملک میں داخلے کے لیے ویزے کی ضرورت نہیں تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top