اسلام آباد : پاک سوزوکی نے کاروں کی قیمت میں 94 ہزار سے 2 لاکھ 63 ہزار روپے تک اضافہ کر دیا۔
تفصیلات کے مطابق پاک سوزوکی نے کاروں کی قیمتوں میں ایک بار پھر اضافہ کردیا۔
کمپنی کی جانب سے اعلامیے میں کہا گیا ہے کہ چورانوے ہزار سے دولاکھ تریسٹھ ہزارروپےتک اضافہ کردیا ہے۔
کمپنی کا کہنا تھا کہ بجلی،گیس،جی ایس ٹی،مختلف یوٹیلٹیزاور زائد اخراجات، کرنسی میں اتارچڑھاؤ، خام مال کےپُرزوں اور لوازمات کی قیمتوں میں اضافےکی وجہ سے قیمتوں میں اضافہ کیا گیا۔
اعلامیہ کےمطابق آلٹو کار کی قمیت میں ایک لاکھ دس ہزارسےایک لاکھ چوالیس ہزارروپےتک کا اضافہ کیا گیا۔
کلٹس کی قیمت میں دولاکھ چودہ ہزارسے دولاکھ اکیاون ہزار روپےتک کا اضافہ کیا گیا اور ویگن آر کی قمیت میں ایک لاکھ پچاسی ہزارسے دولاکھ پندرہ ہزار روپے جبکہ راوی ننانوے ہزاراور بولان چورانوے ہزار روپے مہنگی ہوگئی ہے۔
