The news is by your side.

Advertisement

قومی ٹیم کا دورہ نیوزی لینڈ خطرے میں، ایس او پیز کی خلاف ورزی کا الزام

کرائسٹ چرچ : پاکستان کرکٹ ٹیم کی دورہ نیوزی لینڈ میں مشکلات مزید بڑھ گئیں، چھ ارکان کا کورونا ٹیسٹ مثبت آنے پر دونوں ٹیموں کے درمیان میچز خطرے میں پڑگئے۔

نیوزی لینڈ کرکٹ بورڈ نے کھلاڑیوں پر کورونا ایس او پیز کی خلاف ورزی کا الزام عائد کرتے ہوئے فائنل وارننگ جاری کردی۔ کورونا سے متاثرہ چھ کھلاڑیوں کو ان کے کمروں تک محدود رہنے کی ہدایت کردی گئی ہے۔

اس حوالے سے ذرائع کا کہنا ہے کہ قومی ٹیم کے چند ارکان ہوٹل کے کوریڈور میں ایک ساتھ باتیں کرتے ہوئے سی سی ٹی وی میں دیکھے گئے تھے۔

نیوزی لینڈ کرکٹ بورڈ نے قومی ٹیم کو فائنل وارننگ جاری کرتے ہوئے تنبیہ کی ہے کہ اپنے کمروں سے بالکل باہر نہ نکلیں، ایک دوسرے سے فاصلہ رکھیں۔

مزید پڑھیں : دورہ نیوزی لینڈ، قومی اسکواڈ کے 6 ارکان کرونا کا شکار

ٹیم ارکان کوآئسولیشن سے باہر آنے کے لیے مزید چار کورونا ٹیسٹ دینے ہوں گے، اسسٹنٹ کوچ شاہد اسلم کو گلے میں درد کے باعث پہلے ہی آکلینڈ میں روک لیا گیا تھا۔

Comments

یہ بھی پڑھیں