راولپنڈی: پاک فضائیہ کے آپریشنل ایئربیس پر پاک ترک فضائیہ کی مشترکہ مشقیں ہوئیں، اس موقع پر ایئرچیف مجاہد انور خان نے لڑاکا طیارہ اڑاکر ٹریننگ مشن میں حصہ لیا۔
تفصیلات کے مطابق پاک ترک فضائیہ مشقوں میں پاک فضائیہ کے سربراہ مجاہدانورخان نے لڑاکا طیارہ اڑاکرا یکسرسائز ٹریننگ مشن میں شرکت کی، انہوں نے مشترکہ مشقوں کو اہم قرار دیا۔
اس موقع پر ایئرچیف کا کہنا تھا کہ مشقیں ایک دوسرے کے تجربات سے سیکھنے میں معاون ثابت ہوں گی، دونوں ممالک کے فضائیہ کو سیکھنے کا موقع ملا۔
پاک چین بحریہ مشترکہ مشقیں بحیرہ عرب میں اختتام پذیر
اس سے قبل رواں ماہ کے آغاز میں ائیر چیف مارشل مجاہد انور خان نے آپریشنل بیس کا دورہ کیا تھا، انہوں نے ایکسرسائز ٹریننگ مشن میں حصہ لے کر فائٹر طیارہ بھی اڑایا تھا۔
بعد ازاں ائیرچیف نے کومبیٹ کریو سے ملاقات میں ان جذبے اور پیشہ وا رانہ صلاحیتوں کو سراہا تھا، انہوں نے پاک فضائیہ کی آپریشنل تیاریوں پر اطمینان کا اظہار بھی کیا تھا۔
خیال رہے کہ نومبر 2016 میں پاک بحریہ اور چینی بحریہ کے مابین چوتھی مشترکہ بحری مشقیں بحیرہ عرب میں ہوئی تھیں، چھ دن جاری رہنے والی یہ بحری مشقیں ہاربر اور سی فیز پر مشتمل تھیں۔
