The news is by your side.

Advertisement

پاک ترک تعلقات مشکل گھڑی میں بھی مضبوط رہے، ممنون حسین

اسلام آباد : صدر پاکستان ممنون حسین نے کہا ہے کہ پاکستان اور ترکی کی دوستی اور ثقافتی تعلقات سے خطے میں خونریزی کی روک تھام میں مدد ملے گی، دوطرفہ تعلقات تاریخ کی ہر مشکل گھڑی میں مضبوط رہے۔

ان خیالات کا اظہار انہوں نے اسلام آباد میں پاک ترکی برادرانہ تعلقات کے حوالے سے منعقدہ تصویری نمائش کے افتتاح کے بعد میڈیا سے گتؤفتگو کرتے ہوئے کہی۔

صدر پاکستان نے کہا کہ ماضی میں دونوں ممالک کے رہنماؤں نے آپس میں برادرانہ تعلقات کی بنیادیں رکھی تھیں، وسطی ایشیاء اور ای سی او ممالک میں تعلقات مزید پختہ ہونے کےامکانات ہیں، تعلقات سے خطے میں امن و استحکام قائم کرنے میں مدد ملے گی۔

ان کا کہنا تھا کہ شاہراہ ریشم سے زیادہ سے زیادہ فوائد جلد ملنا شروع ہو جائیں گے، دوطرفہ تعلقات تاریخ کی ہر مشکل گھڑی میں مضبوط رہے، امید ہے وقت کے ساتھ ساتھ تعلقات مزید گہرے ہوں گے۔

صدرممنون حسین کا مزید کہنا تھا کہ ترک شاعر، ادیب اور دانشور مسلسل پاکستان کے دورے کر رہے ہیں، علمی و ادبی ادارے لسانیاتی تعلق کے فروغ کے لیے اپنا کردار ادا کریں، ایسی نمائشیں ترکی میں بھی منعقد ہونی چاہئیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں